سعودی عرب کے وزیر خارجہ شہزادہ فیصل بن فرحان آل سعود نے آج وزیر اعظم محمد شہباز شریف سے ملاقات کی، جس میں پاکستان اور سعودی عرب کے درمیان برادرانہ تعلقات اور خطے میں امن و استحکام کے لیے تعاون پر تبادلہ خیال کیا گیا۔ ملاقات میں نائب وزیر اعظم و وزیر خارجہ سینیٹر محمد اسحاق ڈار، مشیر برائے قومی سلامتی لیفٹیننٹ جنرل محمد عاصم ملک اور معاون خصوصی برائے امور خارجہ سید طارق فاطمی بھی موجود تھے۔
یہ بھی پڑھیں:سعودی، مصری اور ترکیہ کے وزرائے خارجہ اسلام آباد میں، خطے کی صورتحال پر اہم اجلاس
سعودی وزیر خارجہ شہزادہ فیصل بن فرحان آل سعود نے وزیر اعظم سے ملاقات کے دوران دو طرفہ تعلقات اور خطے میں بدلتی ہوئی صورتحال پر جامع مشاورت کی۔ وزیراعظم نے سعودی وزیر خارجہ کا پرتپاک خیرمقدم کیا اور خادم الحرمین الشریفین شاہ سلمان بن عبدالعزیز آل سعود کے لیے اپنی نیک تمناؤں اور ولی عہد و وزیراعظم شہزادہ محمد بن سلمان بن عبدالعزیز آل سعود کے لیے گرمجوشانہ پیغامات پہنچائے۔
ملاقات کے دوران وزیر اعظم نے پاکستان کی سعودی عرب کے ساتھ مکمل یکجہتی اور تعاون کی یقین دہانی کرائی اور سعودی عرب کی موجودہ بحران میں شاندار صبر و تحمل کی تعریف کی۔ وزیر اعظم نے حالیہ ملاقاتوں کا ذکر کرتے ہوئے، جن میں 12 مارچ کو جدہ میں ولی عہد کے ساتھ ملاقات بھی شامل تھی، پاکستان کی موجودہ بحران میں سفارتی کوششوں اور امریکی و ایرانی حکام کو مذاکرات کی میز پر لانے کی کوششوں پر روشنی ڈالی۔
یہ بھی پڑھیں:اسحاق ڈار سے مصر اور ترکیہ کے وزرائے خارجہ کی ملاقات، خطے کی صورت حال پر تبادلہ خیال
وزیر اعظم نے خطے میں اسلامی ممالک میں اتحاد قائم رکھنے کی ضرورت پر زور دیا اور سعودی وزیر خارجہ نے پاکستان کی جانب سے گرمجوشانہ استقبالیہ پر شکریہ ادا کیا۔ دونوں رہنماؤں نے اس عزم کا اعادہ کیا کہ پاکستان اور سعودی عرب خطے میں امن اور استحکام کے لیے اپنے موقف کو قریبی ہم آہنگی کے ساتھ جاری رکھیں گے۔
The Consultations among the Foreign Ministers of Pakistan, Saudi Arabia, Türkiye, and Egypt have commenced in Islamabad on 29 March 2026.
Convened at the invitation of Deputy Prime Minister / Foreign Minister Senator Mohammad Ishaq Dar @MIshaqDar50, the Foreign Ministers during… pic.twitter.com/5capTCXUNO
— Ministry of Foreign Affairs – Pakistan (@ForeignOfficePk) March 29, 2026
قبل ازیں سعودی وزیر خارجہ شہزادہ فیصل بن فرحان آل سعود نے اپنے سرکاری دورے کے دوران وزارت خارجہ پہنچ کر نائب وزیر اعظم و وزیر خارجہ سینیٹر محمد اسحاق ڈار اور دیگر حکام سے ملاقات کی، جس میں خطے کی بدلتی صورتحال اور چہار فریقی اجلاس کے اہداف پر تفصیلی غور کیا گیا۔ ذرائع کے مطابق دورے کے دوران دونوں ممالک دوطرفہ تعلقات، باہمی تعاون اور علاقائی امور پر رابطہ مزید مضبوط کریں گے۔
اسلام آباد آمد پر ایڈیشنل فارن سیکرٹری (مشرق وسطیٰ) سید احمد معروف اور معاون خصوصی برائے امور خارجہ سید طارق فاطمی نے سعودی وزیر خارجہ کا استقبال کیا۔
وزیر اعظم سے ترکیہ اور مصر کے وزرائے خارجہ کی ملاقات
اسلام آباد میں آج مشرق وسطیٰ میں امن قائم کرنے کے لیے پاکستان میں وزرائے خارجہ کا اجلاس منعقد ہوا۔ اس موقع پر ترکیہ کے وزیرِ خارجہ حاقان فدان اور مصر کے وزیرِ خارجہ ڈاکٹر بدر بن عبد العاطی وزیرِ اعظم ہاؤس پہنچے، جہاں وزیر اعظم کے معاون خصوصی برائے امور خارجہ سید طارق فاطمی نے ان کا پرتپاک استقبال کیا۔
وزیراعظم محمد شہباز شریف نے اپنے دفتر میں ترکی اور مصر کے وزرا خارجہ کا خیرمقدم کیا اور ملاقات کا آغاز کیا۔ اس ملاقات میں نائب وزیر اعظم و وزیر خارجہ سینیٹر محمد اسحاق ڈار اور مشیر برائے قومی سلامتی و ڈی جی آئی ایس آئی لیفٹننٹ جنرل محمد عاصم ملک بھی شریک ہوئے۔
ذرائع کے مطابق ملاقات کا مقصد خطے کی بدلتی ہوئی صورتحال پر تفصیلی تبادلہ خیال کرنا اور باہمی دلچسپی کے امور میں تعاون کو مزید مضبوط بنانا ہے۔ اس اجلاس میں خطے میں امن و استحکام کے لیے پاکستان کی کوششوں اور بین الاقوامی سطح پر سفارتی رابطوں پر بھی غور کیا جائے گا۔
یہ بھی پڑھیں:سعودی وزیر خارجہ کی وزیر اعظم سے ملاقات، پاکستان اور سعودی عرب کے تعلقات کو مزید مضبوط بنانے پر زور
یہ ملاقات پاکستان کی مشرق وسطیٰ میں اہم سفارتی حیثیت اور خطے کے ممالک کے ساتھ قریبی تعلقات کو اجاگر کرتی ہے۔
