اٹلس ہونڈا لمٹیڈ نے آئندہ مالی سال کے لیے 5.3 ارب روپے (قریباً 2 کروڑ ڈالر) کی سرمایہ کاری کی منظوری دے دی ہے۔ کمپنی نے یہ اعلان پاکستان اسٹاک ایکسچینج کو جمع کرائے گئے نوٹس میں کیا۔
مزید پڑھیں: سالوں بعد ہونڈا نے اپنے لوگو میں لگا ’ایچ‘ تبدیل کرنے کا فیصلہ کرلیا
کمپنی کے مطابق یہ سرمایہ کاری پاکستان میں موٹر سائیکل آپریشنز کی توسیع، آٹومیشن اور پیداواری صلاحیت بڑھانے کے لیے کی جائے گی، جس کے بعد سالانہ پیداواری صلاحیت بڑھ کر 20 لاکھ یونٹس ہو جائے گی۔
ماہرین کے مطابق یہ قریباً 39 فیصد بڑی توسیع ہے، جس سے مستقبل میں کمپنی کی آمدن اور منافع میں اضافہ متوقع ہے۔
مزید پڑھیں: ہونڈا سوک فیس لفٹ کی تعارفی قیمتوں کا اعلان
اٹلس ہونڈا 1962 میں قائم ہوئی اور یہ ملک میں موٹر سائیکلوں اور اسپیئر پارٹس کی تیاری و فروخت میں اہم مقام رکھتی ہے۔
