انڈین پریمیئر لیگ سیزن کا پرجوش آغاز شائقین کے لیے اس وقت تشویش میں بدل گیا جب رائل چیلنجرز بنگلورو اور سن رائز حیدرآباد کے مابین چنا سوامی اسٹیڈیم میں کھیلے گئے افتتاحی میچ کے دوران متعدد موبائل فونز چوری ہونے کی اطلاعات سامنے آئیں۔
یہ بھی پڑھیں: آئی پی ایل سے نکالے گئے بنگلہ دیش کے فاسٹ بولر مستفیض الرحمان کا پی ایس ایل کھیلنے کا فیصلہ
پولیس اور تماشائیوں کے مطابق زیادہ تر چوریاں اسٹیڈیم کے اسٹینڈز میں اس وقت ہوئیں جب خاص طور پر دوسری اننگز کے دوران ہجوم عروج پر تھا۔
Fans attending the Indian Premier League match between Royal Challengers Bengaluru and Sunrisers Hyderabad reported multiple phone thefts, dampening the match-day experience. Police have launched an investigation.#IPL2026 #RCB #SRH #Bengaluru #CrimeAlert #Breaking pic.twitter.com/Ew98LdcgwG
— The Daily Jagran (@TheDailyJagran) March 30, 2026
کئی شائقین نے بتایا کہ وہ اپنے موبائل فونز اُس وقت کھو بیٹھے جب وہ رش والے حصوں سے گزر رہے تھے یا کھانے پینے کی اشیا خریدنے کے لیے عارضی طور پر اپنی نشستیں چھوڑ رہے تھے۔
کچھ واقعات اسٹیڈیم کے اطراف کے علاقوں سے بھی رپورٹ ہوئے، جن میں قریبی میٹرو اسٹیشنز اور کبن پارک کا علاقہ شامل ہے، جہاں اسی طرح کا شدید رش دیکھنے میں آیا۔
مزید پڑھیں: ’بھارتی ہاتھ سے انکار نہیں‘، سری لنکن ٹیم کے واپس جانے کے عندیہ کے پیچھے آئی پی ایل کا کیا کردار ہے؟
پولیس نے تصدیق کی ہے کہ کرناٹک پولیس کے ماتحت کبن پارک پولیس اسٹیشن میں متعدد شکایات درج کرائی گئی ہیں، میڈیا رپورٹس کے مطابق کئی متاثرین نے کرناٹک پولیس کی موبائل ایپ کے ذریعے ای-لاسٹ رپورٹس بھی جمع کرائیں۔
مرکزی ڈویژن کے ڈپٹی کمشنر آف پولیس اکشے ہاکے کے مطابق اب تک کم از کم 30 موبائل فونز چوری ہونے کی باضابطہ رپورٹس سامنے آ چکی ہیں۔
