بلوچستان کے ضلع قلعہ عبداللہ، گلستان اور جنگل پیرعلیزئی میں سیلابی ریلوں نے شدید تباہی مچا دی، جس کے نتیجے میں ایک مسافر وین اور ایک ٹرک بہہ گئے۔
ضلعی انتظامیہ کے مطابق تحصیل گلستان کے علاقے حبیب زئی میں ایک ٹرک سیلابی ریلے میں بہہ گیا، جس میں اشیائے خورونوش موجود تھیں۔
علاوہ ازیں ایک وین بھی سیلاب میں بہہ گئی جس میں 15 مسافر سوار تھے، اور ریسکیو آپریشن فوری طور پر شروع کر دیا گیا ہے۔
ضلعی انتظامیہ نے بتایا کہ قلعہ عبداللہ کی ندی میں پانی کی سطح خطرناک حد تک بڑھ گئی ہے، جس کے باعث کوئٹہ چمن شاہراہ پر ٹریفک متاثر ہو رہی ہے۔
میڈیا رپورٹس کے مطابق پشین اور توبہ اچکزئی کے مختلف برساتی ندیوں میں بھی مسافر گاڑیاں پھنس گئی ہیں۔
