صاحبزادہ فرحان نے 2025 کے آغاز سے ہی ٹی20 کرکٹ میں بے مثال کارکردگی دکھائی ہے، اور پاکستان سپر لیگ 11 میں بھی اپنی جارحانہ بیٹنگ سے سب کو محظوظ کیا ہے۔
𝐅𝐢𝐧𝐢𝐬𝐡𝐞𝐝 𝐢𝐧 𝐬𝐭𝐲𝐥𝐞! 💥🔥#HBLPSL11 | #NewEra | #MSvHK pic.twitter.com/OLYSShDF0f
— PakistanSuperLeague (@thePSLt20) April 1, 2026
آئی سی سی کے مطابق صاحبزادہ فرحان نے ٹی20 میچز کی 66 اننگز میں 2566 رنز بنائے، جو کسی بھی کھلاڑی سے سب سے زیادہ ہیں، جبکہ نیوزی لینڈ کے ٹم سیفرٹ 74 اننگز میں 2197 رنز کے ساتھ دوسرے نمبر پر ہیں۔
پاکستان سپر لیگ 11 کی پہلی سینچری
گزشتہ روز قذافی اسٹیڈیم لاہور میں کھیلے گئے پی ایس ایل کے 8ویں میچ میں ملتان سلطانز نے حیدرآباد کنگز مین کو 6 وکٹوں سے شکست دی۔ میچ کے ہیرو صاحبزادہ فرحان رہے جنہوں نے ناقابلِ شکست سینچری اسکور کی، انہوں نے 57 گیندوں پر 106 رنز بنائے، جس میں 7 چوکے اور 8 چھکے شامل تھے۔
ابتدائی اوورز میں فرحان نے ٹیم کو مضبوط بنیاد فراہم کی، اور دیگر کھلاڑیوں نے بھی ان کا بھرپور ساتھ دیا۔ اس فتح کے ساتھ ملتان سلطانز پوائنٹ ٹیبل پر پہلی پوزیشن پر پہنچ گئی اور اپنی پوزیشن مستحکم کرلی۔
Sahibzada Farhan is named player of the match for his exceptional century.#HBLPSL11 | #NewEra | #MSvHK pic.twitter.com/7TbVkUJOgU
— PakistanSuperLeague (@thePSLt20) April 1, 2026
یہ صاحبزادہ فرحان کی پی ایس ایل کی دوسری جبکہ مجموعی طور پر 9ویں سینچری ہے۔ پی ایس ایل میں کنگ بابراعظم 11سینچریوں کے ساتھ پہلے نمبر پر ہیں۔
پی ایس ایل میں ہزار رنز مکمل کرچکے صاحبزادہ فرحان نے کہا کہ خوشی ہے کہ سینچری بنائی اور ہماری ٹیم میچ جیتی، سپورٹ اسٹاف اور منیجمنٹ کی بہت سپورٹ حاصل ہے۔ بالکل نہیں لگ رہا کہ ملتان سلطانز میری نئی فرنچائز ہے۔
Sahibzada Farhan dedicates his moment of glory to his parents. ❤️#HBLPSL11 | #NewEra | #MSvHK pic.twitter.com/I3ruvv9JkY
— PakistanSuperLeague (@thePSLt20) April 1, 2026
صاحبزادہ فرحان کے اہم اعداد و شمار (جنوری 2025 سے)
سینچریاں: 7 (دنیا میں سب سے زیادہ، بھارت کے ایشان کشن 4 سینچریوں کے ساتھ دوسرے نمبر پر ہیں)
ففٹیز: 16 (سب سے زیادہ، دوسرے نمبر پر ابھیشیک شرما کی 13)
چوکے: سب سے زیادہ 234
چھکے: 141 (صرف ڈیووالڈ بریوس سے 3 کم، جن کے 144 چھکے ہیں)
صاحبزادہ فرحان کی کارکردگی نہ صرف مستقل مزاجی بلکہ جارحانہ کھیل کی بھی مثال ہے، اور اسے کرکٹ کی دنیا میں مکمل حکمرانی کہا جا سکتا ہے۔
