وفاقی حکومت نے پاکستان ایڈمنسٹریٹو سروس کے گریڈ 20 کے افسر محمد علی رندھاوا کو ڈائریکٹر جنرل پاسپورٹ اینڈ امیگریشن تعینات کر دیا ہے، جس کا باقاعدہ نوٹیفکیشن بھی جاری کر دیا گیا۔
مزید پڑھیں:محمد علی رندھاوا کو عہدے سے ہٹا دیا گیا، سہیل اشرف چیف کمشنر اسلام آباد تعینات
وفاقی وزیر داخلہ محسن نقوی نے نئے ڈی جی کو پاسپورٹ اینڈ امیگریشن کے نظام میں ہر سطح پر اصلاحات لانے کا ٹاسک دیتے ہوئے ہدایت کی ہے کہ پورے نظام کو ملک بھر میں مکمل طور پر ڈیجیٹل اور پیپر لیس بنایا جائے۔
انہوں نے زور دیا کہ پاسپورٹ اینڈ امیگریشن کے نظام میں عوام کی سہولت کو اولین ترجیح دی جائے تاکہ شہریوں کو بہتر اور تیز خدمات فراہم کی جا سکیں۔
گزشتہ روز وفاقی بیوروکریسی میں اہم تقرر و تبادلے کیے گئے تھے، جن کے تحت محمد علی رندھاوا کو چیئرمین سی ڈی اے و چیف کمشنر اسلام آباد کے عہدے سے ہٹا کر اسٹیبلشمنٹ ڈویژن میں رپورٹ کرنے کی ہدایت کی گئی تھی۔
مزید پڑھیں:گھنے درختوں سے کنکریٹ کے جنگل تک، ’محسن نقوی اور محمد علی رندھاوا نے کچھ بھی سلامت نہیں رہنے دیا‘
پاکستان ایڈمنسٹریٹو سروس کے گریڈ 20 کے افسر سہیل اشرف کو اسلام آباد کا نیا چیف کمشنر تعینات کیا گیا ہے۔
