پیپلز پارٹی کی رہنما شازیہ مری نے کہا ہے کہ پاکستان کی خارجہ پالیسی کی کامیابیوں کے باعث بھارت کو شدید پریشانی کا سامنا ہے اور عالمی سطح پر پاکستان کی سفارت کاری کو تسلیم کیا جا رہا ہے۔
میڈیا گفتگو میں انہوں نے کہا کہ پاکستان نے اپنی سفارتی حکمت عملی کے ذریعے اہم کامیابیاں حاصل کی ہیں، تاہم پاکستان کسی کی شکست نہیں بلکہ خطے میں امن اور استحکام چاہتا ہے۔ ان کے مطابق علاقائی امن دراصل عالمی امن سے جڑا ہوا ہے۔
پاکستان کی خارجہ پالیسی کی کامیابیوں پر بھارت کو بڑی تکلیف ہورہی ہے اب تو ان کی اپنی صفوں سے یہ آوازیں اٹھ رہی ہیں کہ پاکستان کی ڈپلومیسی بھارت سے بہتر ہے ، شازیہ مری pic.twitter.com/wq96qw0NK0
— WE News (@WENewsPk) April 2, 2026
شازیہ مری کا کہنا تھا کہ موجودہ بھارتی حکومت کے دور میں بھارت کی پالیسیوں پر سوالات اٹھ رہے ہیں جبکہ پاکستان ایک خودمختار اور سنجیدہ ریاست کے طور پر سامنے آ رہا ہے۔
انہوں نے کہا کہ پاکستان مسلسل کشیدگی میں کمی اور مذاکرات پر زور دے رہا ہے اور امید ہے کہ سفارتی کوششیں مثبت نتائج دیں گی۔
