مسلم لیگ ن کی رہنما اور پنجاب کی سینیئر مریم اورنگزیب نے وزیراعظم شہباز شریف کی معاشی پالیسیوں کو سراہتے ہوئے کہا ہے کہ حکومت نے عالمی منڈی میں تیل کی قیمتوں میں اضافے کے باوجود ایک ماہ تک اس کا بوجھ عوام پر منتقل نہیں کیا، جو ذمہ دار قیادت اور مؤثر حکمتِ عملی کی مثال ہے۔
مزید پڑھیں:ڈیزل و پیٹرول کی فی لیٹر قیمتوں میں بالترتیب 184 روپے 49 پیسے اور 137 روپے 23 پیسے اضافہ
سوشل میڈیا پلیٹ فارم ایکس پر انہوں نے کہا کہ کفایت شعاری، غیر ضروری اخراجات میں کمی اور مؤثر سپلائی چین مینجمنٹ کے ذریعے نہ صرف بحران پر قابو پایا گیا بلکہ عوام کو ریلیف بھی فراہم کیا گیا۔
وزیراعظم شہباز شریف کو دل کی گہرائیوں سے خراجِ تحسین پیش کرتی ہوں جنہوں نے عالمی منڈی میں تیل کی قیمتوں میں مسلسل اضافے کے باوجود ایک ماہ تک اس کا بوجھ عوام پر منتقل نہیں ہونے دیا۔ یہ صرف ایک فیصلہ نہیں بلکہ ذمہ دار قیادت، مؤثر حکمتِ عملی اور بہترین فِسکل مینجمنٹ کی واضح مثال ہے۔…
— Marriyum Aurangzeb (@Marriyum_A) April 2, 2026
انہوں نے مزید کہا کہ حکومت نے مہنگائی کے اثرات کم کرنے کے لیے ٹارگیٹڈ سبسڈی متعارف کروائی، جس کے تحت موٹر سائیکل استعمال کرنے والے افراد، چھوٹے کسانوں اور ٹرانسپورٹ سیکٹر کو خصوصی سہولت دی گئی۔
مزید پڑھیں:مشرقِ وسطیٰ میں جنگ کے اثرات: برطانوی پیٹرول پمپس پر گاڑیوں کی طویل قطاریں
مریم اورنگزیب کے مطابق موجودہ قیادت مشکل حالات میں بھی عوام کو تنہا نہیں چھوڑ رہی اور تمام سیاسی قوتوں کو ساتھ لے کر چل رہی ہے۔
