بنگلہ دیش کی حکومت نے بڑھتے معاشی دباؤ اور عالمی اقتصادی غیر یقینی صورتحال کے پیش نظر سخت کفایت شعاری اقدامات نافذ کرتے ہوئے سرکاری گاڑیوں کی خریداری معطل اور عوامی فنڈز سے ہونے والے بیرونِ ملک دوروں پر پابندی عائد کردی ہے۔
یہ بھی پڑھیں: بنگلہ دیش میں مشترکہ کارروائی، 44 ہزار لیٹر غیر قانونی ایندھن ضبط
وزارتِ خزانہ کے فنانس ڈویژن کی جانب سے جاری سرکلر میں مالی سال 2025-26 کے نظرثانی شدہ بجٹ کے تحت اخراجات میں نمایاں کمی کے احکامات جاری کیے گئے۔ یہ فیصلہ مشرقِ وسطیٰ میں جاری جغرافیائی کشیدگی اور عالمی معاشی دباؤ کے تناظر میں کیا گیا ہے۔
نئی ہدایات کے مطابق تمام سرکاری، خودمختار، آئینی اور ریاستی اداروں سمیت سرکاری کارپوریشنز اور مالیاتی اداروں کو مالی سال کے بقیہ عرصے میں اخراجات محدود رکھنے کی ہدایت دی گئی ہے۔ موٹر گاڑیوں، کشتیوں اور طیاروں کی خریداری کیلئے مختص تمام فنڈز فوری طور پر منجمد کر دیے گئے ہیں۔
یہ بھی پڑھیں: مشرقِ وسطیٰ میں صورتحال کے بعد فضائی بحران، ہزاروں بنگلہ دیشی مسافر پھنس گئے
اسی طرح سرکاری خرچ پر بیرونِ ملک تربیتی پروگرامز، سیمینارز، ورکشاپس اور کانفرنسز میں شرکت بھی عارضی طور پر روک دی گئی ہے۔ سیمینارز اور کانفرنسز کے اخراجات کو مختص بجٹ کے 80 فیصد تک محدود جبکہ مہمان نوازی کے اخراجات 50 فیصد تک رکھنے کی شرط عائد کی گئی ہے۔
سرکلر کے مطابق بجلی، ایندھن اور سفری اخراجات کو باقی بجٹ کے 70 فیصد تک محدود رکھا جائے گا اور مقررہ حد سے زائد خرچ کی ادائیگی نہیں کی جائے گی۔ کمپیوٹرز اور متعلقہ آلات کی خریداری بھی عارضی طور پر معطل کردی گئی ہے۔
یہ بھی پڑھیں: بنگلہ دیش حکومت کا عوام کو ریلیف، پیٹرول اور ڈیزل کی قیمتیں برقرار
تعمیراتی منصوبوں میں صرف 50 فیصد باقی فنڈز خرچ کرنے کی اجازت ہوگی، تاہم 70 فیصڈھاکاد سے زائد مکمل منصوبے پیشگی منظوری کے بعد جاری رہ سکیں گے۔ آپریشنل بجٹ کے تحت زمین کے حصول پر مکمل پابندی عائد کردی گئی ہے جبکہ ترقیاتی منصوبوں کیلئے پیشگی اجازت لازمی قرار دی گئی ہے۔
ڈپٹی سیکریٹری محمد ذاکر حسین کے دستخط سے جاری ہدایات میں تمام اداروں کو فوری عملدرآمد کا حکم دیا گیا ہے۔ حکام کے مطابق یہ اقدامات کووڈ 19 کے بعد پیدا ہونے والے معاشی اثرات اور روس یوکرین جنگ سمیت عالمی حالات کے باعث مالی نظم و ضبط مضبوط بنانے کیلئے کیے گئے ہیں۔
