پاکستان سپر لیگ 11 میں ملتان سلطانز کے آسٹریلوی کرکٹر اسٹیو اسمتھ نے ساتھی کھلاڑی پیٹر سڈل کو مزاحیہ انداز میں ’چاچا‘ کہہ کر مخاطب کیا، جس کا تعلق پاکستانی کرکٹ کلچر سے ہے۔
ملتان سلطانز کی راولپنڈی کے خلاف کامیابی کے بعد میڈیا سے گفتگو کرتے ہوئے اسٹیو اسمتھ نے کہا، ’ہائے اسٹیو اینڈ چاچا‘۔ انہوں نے کہا کہ وہ یہاں چاچا کے نام سے جانے جاتے ہیں۔
Steve Smith and Peter Siddle break down today’s win, applauding a true team effort and setting sights on finishing the Lahore leg on a high! 🔥🏏#HBLPSL11 | #NewEra | #QGvMS pic.twitter.com/ekYxkaDs7t
— PakistanSuperLeague (@thePSLt20) April 5, 2026
پیٹر سڈل نے کہا کہ ٹاس جیت کر بولنگ اور بیٹنگ دونوں اچھے رہے اور اسٹیو اسمتھ نے بہترین اننگز کھیلیں۔
انہوں نے فرحان کے ساتھ شاندار پارٹنرشپ اور شان مسعود کی بہتر ہوتی بیٹنگ کی تعریف کی۔ سڈل نے بتایا کہ لاہور میں ایک اور میچ باقی ہے اور کراچی میں اچھی پوزیشن کے ساتھ جائیں گے۔
یہ بھی پڑھیں: ’افتخار لوکل اور میں غیر ملکی چاچا ہوں‘، 41 سالہ پیٹر سیڈل کا پاکستان میں اپنے نام پر دلچسپ تبصرہ
واضح رہے کہ کچھ دن قبل پیٹر سڈل نے بھی پاکستانی ثقافت کے حوالے سے دلچسپ انداز اپناتے ہوئے کہا تھا کہ انہیں ٹیم کے فاسٹ بولر حارث رؤف نے ‘چاچا’ کا مطلب سمجھایا۔ انہوں نے مزاحیہ انداز میں بتایا کہ انہیں ’غیر ملکی چاچا‘ کہا جاتا ہے جبکہ ٹیم کے آل راؤنڈر افتخار احمد کو ’مقامی چاچا‘ کے نام سے جانا جاتا ہے۔
پیٹر سڈل نے پاکستان سپر لیگ (پی ایس ایل) کے معیار کی بھی تعریف کی اور کہا کہ پی ایس ایل اور آسٹریلیا کی لیگز کے معیار میں زیادہ فرق محسوس نہیں ہوا، دونوں کی سطح تقریباً یکساں ہے۔
