جوئے کی ایپس کی غیر قانونی تشہیر کے مقدمے میں معروف یوٹیوبر اقرا کنول اور ان کے شوہر اریب پرویز عدالت میں پیش ہوئے، جہاں کیس کی سماعت کی گئی۔
اقرا کنول کی عبوری ضمانت میں 23 اپریل تک توسیع کر دی گئی ہے۔ ان پر الزام ہے کہ انہوں نے سوشل میڈیا پلیٹ فارمز کے ذریعے آن لائن جوئے کی ایپس کی تشہیر کی جو ملکی قوانین کے تحت غیر قانونی عمل ہے۔
View this post on Instagram
نیشنل سائبر کرائم انویسٹی گیشن ایجنسی این سی سی آئی اے کی تحقیقات میں یہ انکشاف سامنے آیا ہے کہ پاکستان میں آن لائن جوئے کے رجحان میں اضافے کی ایک بڑی وجہ سوشل میڈیا انفلوئنسرز ہیں، جو بالخصوص نوجوانوں کو ہدف بنا کر ان ایپس کی تشہیر کر رہے ہیں۔
کئی معروف سوشل میڈیا شخصیات بھی اس دائرہ کار میں آ چکی ہیں جن میں یوٹیوبر سعد الرحمان المعروف ڈکی بھائی شامل ہیں۔ ڈکی بھائی اس مقدمے میں پہلے ہی ضمانت پر رہا ہیں۔
