فاسٹ بولر نسیم شاہ انجری کے باعث غیر معینہ مدت کے لیے پاکستان سپر لیگ سے باہر ہو گئے ہیں۔
پی ایس ایل کی فرنچائز راولپنڈی پنڈیز نے بھی نسیم شاہ کے پی ایس ایل سے باہر ہونے کی تصدیق کردی ہے۔
فاسٹ باؤلر نسیم شاہ راولپنڈیز کے فاسٹ باؤلر نسیم شاہ پی ایس ایل سے باہر ہوگئےنسیم شاہ کراچی کنگز کے خلاف میچ کے دوران انجری کا شکار ہوئے تھے نسیم شاہ سائیڈ سٹرین انجری کی وجہ سے میچ میں باؤلنگ کے دوران میدان سے باہر چلے گئے تھےراولپنڈیز ٹیم انتظامیہ نے ان فٹ ہونے کی تصدیق کردی
— ch sajjad Haider (@chsajjad844) April 6, 2026
فرنچائز انتظامیہ کے مطابق نسیم شاہ کو کراچی کنگز کے خلاف میچ کے دوران سائیڈ انجری ہوئی تھی، جس کے بعد وہ تاحکم ثانی ٹیم کی دستیابی سے باہر ہو گئے ہیں۔
ٹیم حکام کا کہنا ہے کہ میڈیکل اسٹاف ان کی صحتیابی اور ری ہیب کے عمل کی مسلسل نگرانی کر رہا ہے، اور امید کی جا رہی ہے کہ فٹنس کلیئرنس ملنے کے بعد وہ ٹورنامنٹ کے آخری مرحلے میں واپسی کر سکیں گے۔
انتظامیہ نے یہ بھی کہا ہے کہ وہ نسیم شاہ کے ساتھ مکمل طور پر کھڑی ہے اور انہیں بھرپور سپورٹ فراہم کی جا رہی ہے۔
