پاکستان کی معاشی کامیابیوں اور کرپٹو ڈپلومیسی کا عالمی سطح پر اعتراف کیا جا رہا ہے، حتیٰ کہ ناقد حلقے بھی اس پیشرفت کو تسلیم کرنے پر مجبور دکھائی دیتے ہیں۔
باخبر ذرائع کے مطابق مضبوط اور دور اندیش قیادت کے ویژن کے تحت پاکستان معاشی و سفارتی میدان میں نمایاں کامیابیاں حاصل کررہا ہے۔
مزید پڑھیں: کرپٹو مارکیٹ میں شدید مندی، بٹ کوائن کی قیمت 16 ماہ کی کم ترین سطح پر
بھارتی میڈیا میں پاکستان کی ڈیجیٹل صلاحیت، مؤثر سفارت کاری اور حکمت عملی پر وسیع بحث جاری ہے، جسے عالمی سطح پر پاکستان کی سفارتی برتری کے اعتراف کے طور پر دیکھا جا رہا ہے۔
ٹائمز آف انڈیا کی رپورٹ کے مطابق حالیہ مہینوں میں ڈونلڈ ٹرمپ کی جانب سے پاکستانی قیادت کی تعریف نے دونوں ممالک کے تعلقات کے ذاتی پہلو کو نمایاں کیا ہے۔
اسی رپورٹ میں کہا گیا ہے کہ زیکری وٹکوف سے روابط کے باعث واشنگٹن میں پاکستان کے اثر و رسوخ میں اضافہ ہوا ہے۔
مزید بتایا گیا ہے کہ پاکستان کی اس سفارتی پیشرفت میں بلال بن ثاقب کا کردار اہم رہا ہے، جو 2025 میں پالیسی سازی کے نظام میں تیزی سے ابھر کر سامنے آئے۔
رپورٹ کے مطابق بلال بن ثاقب نے عالمی کرپٹو شخصیات سے روابط قائم کیے جن میں بائننس کے بانی چانگ پینگ ژاؤ، کیتھی ووڈ اور مائیکل سیلر شامل ہیں۔
این ڈی ٹی وی کے مطابق بلال بن ثاقب کو ٹرمپ کے کرپٹو منصوبے ’ورلڈ لبرٹی فنانشل‘ میں مشیر کے طور پر شامل کیا گیا، جسے ایک بڑی پیشرفت قرار دیا جا رہا ہے۔
رپورٹ میں یہ بھی کہا گیا ہے کہ پاکستان نے اسی کرپٹو ڈپلومیسی کے ذریعے وائٹ ہاؤس کے ساتھ اعتماد سازی کو مضبوط کیا ہے۔
مزید پڑھیں: کرپٹو مائننگ: پاکستان کی ڈیجیٹل معیشت کے لیے سنگ میل یا خطرناک تجربہ؟
ماہرین کے مطابق باصلاحیت افرادی قوت اور ڈیجیٹل معیشت کے فروغ سے پاکستان کا مستقبل مزید روشن دکھائی دیتا ہے۔
