اسکرین ایوارڈز 2026 کے دوران اداکار راجپال یادو کے بارے میں کیے گئے ایک تبصرے نے سوشل میڈیا پر بحث چھیڑ دی، جس کے بعد بالی ووڈ سپر اسٹار سلمان خان نے ان کے حق میں موقف اختیار کیا۔
واقعہ اس وقت پیش آیا جب صحافی سوربھ دویدی کی میزبانی میں ایک سیشن جاری تھا۔ انہوں نے راجپال یادو کے مالی کیس کا حوالہ دیتے ہوئے کہا کہ ’راجپال بھائی ڈالر کتنا بھی اوپر نیچے ہو جائے آپ کو اتنے ہی پیسے لوٹانے پڑیں گے جتنے اُدھار ہیں‘۔
Okay so now Salman khan vs Saurabh dwivedi, bhai apni par aa gaye to bollywood career start hone se pahle hi kha jayenge 😭😭😭 pic.twitter.com/vsmSzmbTYd https://t.co/SoeggDZDJT
— Prayag (@theprayagtiwari) April 7, 2026
راجپال یادو نے انہیں جواب دیا کہ مسئلہ تو سن لو ایک بار میں تو مسئلہ ہی سنانا چاہتا ہوں۔ بالی ووڈ سپر اسٹار سلمان خان بھی اس پر ان کے حق میں سامنے آگئے۔
سلمان خان نے سوشل میڈیا پیغام میں معروف اداکار راجپال یادو سے کہا ہے کہ آپ گزشتہ 30 سالوں سے کام کر رہے ہیں اور ہم سب نے آپ کو بار بار منتخب کیا ہے کیونکہ آپ اپنے کام میں ماہر ہیں اور قابلِ قدر ویلیو فراہم کرتے ہیں۔ یقیناً آپ کے لیے کام کی کوئی کمی نہیں ہوگی اور آپ کو ہمیشہ اسی ڈالر ریٹ پر مواقع ملتے رہیں گے۔
Rajpal bhai aap 30 yrs se kaam kar rahe ho aur hum sabne aapko repeat kiya hai baar baar kyunki aap apna kaam jante ho aur ek value laate ho , kaam toh aapko bohot milega aur issi dollar rate pe milega aur milte rahega . Hakikat yeh hai .
Aur yeh yaad rakhna ke kabhi kabhi flow… pic.twitter.com/CzE86CCYXH— Salman Khan (@BeingSalmanKhan) April 7, 2026
ان کا مزید کہنا تھا کہ کام تو آپ کو بہت ملے گا اور اسی ڈالر ریٹ پر ملتا رہے گا لیکن یہ یاد رکھیں کہ کبھی کبھی فلو میں کچھ نکل آتا ہے لیکن آپ دل سے کام کریں۔ ڈالر کی قیمت کم ہو رہی ہو یا بڑھ رہی ہو کیا فرق پڑتا ہے دینا تو انڈیا میں ہی ہے۔
یاد رہے کہ راجپال یادو کو 9 کروڑ روپے کے چیک باؤنس کیس میں عدالت کی جانب سے سزا سنائی گئی تھی جس کے بعد انہیں تہاڑ جیل منتقل کیا گیا تھا۔ ساتھی اداکاروں، پروڈیوسرز اور قریبی حلقوں کی مدد کے بعد وہ چند دن بعد جیل سے رہا ہو گئے تھے۔ اور اس مشکل وقت میں ملنے والی حمایت کو وہ اپنی زندگی کا سب سے بڑا سرمایہ قرار دیتے ہیں۔
