امریکا اور ایران کے درمیان حالیہ جنگ بندی معاہدے پر پاکستانی فنکاروں اور شوبز شخصیات نے ردِعمل دیتے ہوئے اسے ایک بڑی سفارتی کامیابی قرار دیا ہے، جبکہ بعض نے یہ سوال بھی اٹھایا ہے کہ پاکستان کو اس نوعیت کی کوششوں پر اب تک نوبل انعام کیوں نہیں دیا گیا۔
سوشل میڈیا پر مختلف فنکاروں نے اپنی آراء کا اظہار کرتے ہوئے کہا کہ پاکستان نے خطے میں امن کے قیام کے لیے ہمیشہ مثبت اور تعمیری کردار ادا کیا ہے۔ ان کا کہنا تھا کہ امریکا اور ایران جیسے اہم ممالک کے درمیان کشیدگی میں کمی ایک خوش آئند پیش رفت ہے جس میں پاکستان کی سفارتی کاوشیں قابلِ تعریف ہیں۔
یہ بھی پڑھیں: ’پاکستان نے ناممکن کو ممکن بنا دیا‘، جنگ بندی پر پاکستانی صحافی بھی قومی سفارتکاری کے معترف
اداکار احسن خان نے جنگ بندی ممکن بنانے میں پاکستان کی مؤثر سفارتی کوششوں کو سراہتے ہوئے کہا کہ یہ تمام پاکستانیوں کے لیے اعزاز ہے اور ہمیں اس کے لیے اللہ کا شکر ادا کرنا چاہیے۔ اللہ نے ہمیں عزت دی ہے۔ دنیا اس بات کو یاد رکھے گی اور ہر چیز سے پہلے پاکستان آتا ہے۔ انہوں نے حکومت پاکستان کا شکریہ بھی ادا کیا کہ انہوں نے یہ کارنامہ انجام دیا ہے۔
Actor Ahsan Khan praises Pakistan’s diplomatic efforts in facilitating a two-week ceasefire between Washington and Tehran, reached shortly before President Donald Trump’s deadline. pic.twitter.com/g0vGn69aL4
— Murtaza Ali Shah (@MurtazaViews) April 8, 2026
مشہور گلوکار فرحان سعید نے بھی اللہ کا شکر ادا کرتے ہوئے اسے پاکستان کی بڑی سفارتی کامیابی قرار دیا۔ انہوں نے امید ظاہر کی کہ مستقل جنگ بندی قائم ہو جائے گی جبکہ یہ سوال بھی اٹھایا کہ پاکستان کو کبھی نوبل امن انعام کیوں نہیں مل سکتا؟
Why Pakistan can never get Nobel Peace Prize.
It’s true that #Pakistan helped and stopped the war between USA (349 Million) & Iran (93 Million ) but at the same time killed 1.47 Billion ! Ykifyk
😜
— Farhan Saeed (@farhan_saeed) April 8, 2026
توثیق حیدر نے کہا کہ جب میں سو کر اٹھا تو پتہ چلا کہ پاگل پن سے بھری دنیا تیسری عالمی جنگ سے امن کی طرف چل پڑی ہے۔ اور انگلی پکڑ کر دنیا کو امن کی طرف لے جانے والا میرا پیارا پاکستان ہے۔ مجھے فخر ہو رہا ہے کہ میں پاکستانی ہوں ۔ انہوں نے کہا کہ لوگ کہتے ہیں کہ پاسپورٹ چھپا کر رکھنا پڑتا ہے کہ اس کی ویلیو نہیں ہے لیکن ہم نے ثابت کیا ہے کہ نہ صرف ہم یہ پاسپورٹ رکھنے پر فخر محسوس کرتے ہیں بلکہ پاکستانی ہونے پر بھی فخر کرتے ہیں۔
ان کا مزید کہنا تھا کہ یہ پاکستان کا حقیقی چہرہ ہے جسے دنیا کو دیکھنا چاہیے اور جاننا چاہیے۔ آخر میں انہوں نے پاکستان زندہ باد کا نعرہ لگاتے ہوئے کہا کہ اب بتاؤ امن کی بات کون کرتا ہے، پرامن ملک کون ہے
View this post on Instagram
اداکار بلال قریشی نے لکھا کہ سیاسی اختلاف اپنی جگہ لیکن آج شہباز شریف نہیں ’شاباش شریف‘۔
واضح رہے کہ وزیراعظم پاکستان شہباز شریف نے جنگ بندی کا اعلان کرتے ہوئے ایران اور امریکہ کے وفود کو 10 اپریل کو اسلام آباد میں مذاکرات کے لیے مدعو کیا ہے۔
