ترکیہ کے صدر رجب طیب اردوان نے ایران اور امریکا کے درمیان اعلان کردہ عارضی جنگ بندی کا خیرمقدم کرتے ہوئے اسے خطے میں امن کے قیام کی جانب مثبت پیش رفت قرار دیا ہے۔
یہ بھی پڑھیں: ترکیہ کا ایران امریکا جنگ بندی کا خیرمقدم، ثالثی کے عمل میں پاکستان کے کردار کی تعریف
سماجی رابطے کی ویب سائٹ ایکس پر جاری بیان میں رجب طیب اردوان نے کہا کہ 28 فروری سے جاری جنگ نے خطے کو شدید تباہی سے دوچار کیا، تاہم گزشتہ رات اعلان کی گئی جنگ بندی امید کی ایک نئی کرن ہے۔ انہوں نے اس امید کا اظہار کیا کہ جنگ بندی پر زمینی سطح پر مکمل عملدرآمد ہوگا اور کسی بھی ممکنہ اشتعال انگیزی یا تخریب کاری کو موقع نہیں ملے گا۔
28 Şubat’tan beri bölgemizi yangın yerine çeviren savaşta dün gece ilan edilen ateşkesten memnuniyet duyuyoruz.
Olası tahrik ve sabotajlara fırsat verilmeden ateşkesin sahada tam olarak uygulanmasını temenni ediyoruz.…
— Recep Tayyip Erdoğan (@RTErdogan) April 8, 2026
ترک صدر نے جنگ بندی کے اعلان تک پہنچنے والے سفارتی عمل میں کردار ادا کرنے والے تمام فریقین کو مبارکباد پیش کی اور خصوصی طور پر برادر ملک پاکستان کی کوششوں کو سراہتے ہوئے کہا کہ پاکستان نے امن کے قیام کے لیے اہم اور مثبت کردار ادا کیا۔
یہ بھی پڑھیں: ایران امریکا جنگ بندی خطے میں قیام امن کے لیے اہم، پاکستان کی سفارتی کوششیں قابلِ تحسین ہیں، سعودی عرب
انہوں نے کہا کہ جنگوں، تنازعات اور کشیدگی سے متاثرہ خطے میں امن، سکون اور استحکام کا قیام وقت کی اہم ضرورت ہے۔ صدر اردوان نے اس عزم کا اعادہ کیا کہ ترکیہ اپنے خطے اور دنیا بھر میں امن کے فروغ کے لیے کردار ادا کرتا رہے گا۔
