ایوانِ صدر میں منعقدہ ایک پروقار تقریب میں صدر آصف زرداری کو مختلف ممالک کے سفیروں نے اپنی سفارتی اسناد پیش کیں۔
یہ تقریب وزارتِ خارجہ کے زیر اہتمام ہوئی جس میں ایتھوپیا، اسپین، کیوبا، پرتگال، سنگاپور اور تنزانیہ کے نامزد سفیروں نے شرکت کی۔
یہ بھی پڑھیں: صدر آصف علی زرداری کی 1,989 فوجی اہلکاروں کو فوجی اعزازات دینے کی منظوری
تقریب کے دوران ایتھوپیا کے نامزد سفیر ڈاکٹر اومر حسین اوبا، اسپین کے کارلوس آراگون گل ڈی لا سرنا، کیوبا کے ڈیمین کورڈیرو ٹوریس، پرتگال کے پاؤلو میگوئل گوئڈیس ڈومینگس، سنگاپور کے ہائی کمشنر اسحاق بن اسماعیل، اور تنزانیہ کے لیفٹیننٹ جنرل (ر) یعقوب ایچ محمد نے صدر مملکت کو اپنی اسناد پیش کیں۔
صدر آصف زرداری نے اس موقع پر سفیروں کو ان کی تقرری پر مبارکباد دی اور انہیں پاکستان میں خوش آمدید کہا۔
مزید پڑھیں: پاک بحریہ نے ہمیشہ قومی سلامتی کے تقاضوں کے مطابق ذمہ داریاں نبھائیں، صدر مملکت آصف زرداری
انہوں نے اس بات پر زور دیا کہ یہ سفارتکار دوطرفہ تعلقات کے فروغ اور باہمی مفاد پر مبنی تعاون کو مضبوط بنانے میں اہم کردار ادا کریں گے۔
وزارتِ خارجہ کے ترجمان کے مطابق یہ تقریب پاکستان اور متعلقہ ممالک کے درمیان سفارتی روابط کو مزید مستحکم کرنے کی جانب ایک اہم پیش رفت ہے۔
