اسلام آباد میں امریکا اور ایران کے درمیان اہم مذاکرات کے پیش نظر ٹریفک کی روانی برقرار رکھنے کے لیے خصوصی ڈائیورژن پلان جاری کر دیا گیا ہے۔ شہریوں کو ہدایت کی گئی ہے کہ وہ غیر ضروری سفر سے گریز کریں اور متبادل راستے استعمال کریں۔
یہ بھی پڑھیں:مشرق وسطیٰ میں امن کے لیے اسلام آباد میں بڑی بیٹھک کی تیاریاں مکمل، امریکا اور ایران کا وفود پاکستان بھیجنے کا اعلان
اسلام آباد ٹریفک پولیس کے مطابق 9 اور 10 اپریل کو مختلف شاہراہوں پر سیکیورٹی اور سفارتی سرگرمیوں کے باعث ٹریفک میں تبدیلیاں کی گئی ہیں۔ سرینا چوک سے نادرا چوک جانے والے حضرات چیک پوسٹ روڈ استعمال کریں جبکہ خیابان سہروردی اور 9th ایونیو پر بھی مخصوص اوقات میں ڈائیورژن ہوگا۔
اسی طرح جی-6، جی-5 اور ایف-6 کے اطراف آنے جانے والے شہریوں کو متبادل راستے اختیار کرنے کی ہدایت کی گئی ہے، جبکہ فیصل ایونیو، 9th ایونیو اور مری روڈ پر بھی ٹریفک کی جزوی بندش یا تبدیلی متوقع ہے۔ ریڈ زون میں داخلے کے لیے خصوصی چیکنگ کے باعث تاخیر کا امکان ظاہر کیا گیا ہے۔
یہ بھی پڑھیں:اسلام آباد کے بعد راولپنڈی میں بھی 9 اور 10 اپریل کو عام تعطیل کا اعلان
ٹریفک پولیس کا کہنا ہے کہ شہری بروقت معلومات کے لیے ایف ایم 92.4 اور سوشل میڈیا اپڈیٹس سے رہنمائی حاصل کریں، جبکہ کسی بھی ہنگامی صورتحال میں ہیلپ لائن سے رابطہ کیا جا سکتا ہے۔ انتظامیہ نے شہریوں سے تعاون کی اپیل کرتے ہوئے کہا ہے کہ یہ اقدامات سکیورٹی اور نظم و ضبط برقرار رکھنے کے لیے کیے گئے ہیں۔
