وفاقی دارالحکومت اسلام آباد کے بعد راولپنڈی میں بھی 9 اور 10 اپریل کو عام تعطیل کا اعلان کردیا گیا۔
اس سے قبل ایران اور امریکا کے درمیان مذاکرات کے سلسلے میں وفاقی دارالحکومت اسلام آباد میں جمعرات اور جمعہ (9 اور 10 اپریل) کو عام تعطیل کا اعلان کیا گیا تھا۔
واضح رہے کہ امریکا اور ایران کے درمیان معاہدے کے لیے مذاکرات اسلام آباد میں ہونے جا رہے ہیں، جس کی تصدیق ترجمان وائٹ ہاؤس نے بھی کردی ہے۔
میڈیا رپورٹس کے مطابق امریکی نائب صدر جے ڈی وینس اپنی ٹیم کے ہمراہ کل رات تک اسلام آباد پہنچیں گے، جبکہ ایرانی وفد بھی کل اسلام آباد پہنچ جائےگا۔
