پی ایس ایل 11 کے 20ویں میچ میں کراچی کنگز نے حیدر آباد کنگز مین کو جیت کے لیے 189 رنز کا ہدف دیا ہے۔
نیشنل بینک سٹیڈیم کراچی میں کھیلے جارہے اس میچ میں حیدرآباد کے کپتان مارنس لبوشین نے ٹاس جیت کر ہوم ٹیم کو بیٹنگ کی دعوت دی۔
یہ بھی پڑھیں: پی ایس ایل 2026، پشاور زلمی کی قلندرز پر دھاک، یکطرفہ مقابلے کے بعد 76 رنز سے شکست
یہ دونوں ٹیموں کے درمیان لیگ کی تاریخ کا پہلا مقابلہ ہے، کیونکہ حیدرآباد کنگز مین رواں برس پہلی بار پی ایس ایل کا حصہ بنی ہے۔
دونوں ٹیموں کی حالیہ کارکردگی میں واضح فرق دیکھا جا رہا ہے؛ کراچی کنگز اب تک کھیلے گئے چار میچوں میں سے تین میں فتح حاصل کر چکی ہے، جبکہ حیدرآباد کنگز مین کو اپنے ابتدائی چاروں مقابلوں میں شکست کا سامنا کرنا پڑا ہے۔
کراچی کنگز کی قیادت معین علی کررہے ہیں، جبکہ ٹیم میں ریضا ہینڈرکس، سلمان علی آغا اور ایڈم زمپا جیسے تجربہ کار کھلاڑی شامل ہیں۔
یہ بھی پڑھیں: پی ایس ایل 11، پشاور زلمی نے کراچی کنگز کو 159رنز سے شکست دے دی
دوسری جانب حیدرآباد کنگز مین کی جانب سے صائم ایوب، گلین میکسویل اور محمد علی جیسے کھلاڑی ان کی پہلی فتح کی تلاش میں میدان میں اترے ہیں۔ ک
راچی کنگز کو اپنے آخری میچ میں پشاور زلمی کے ہاتھوں بڑی شکست کا سامنا کرنا پڑا تھا، جس کے بعد وہ آج دوبارہ جیت کی راہ پر واپس آنے کے لیے پرعزم ہیں۔
