آئی ایس پی آر کے مطابق پاکستان نیوی نے مقامی طور پر تیار کردہ ’تیمور ایئر لانچ کروز میزائل‘ کا کامیاب لائیو ویپن فائرنگ تجربہ کیا ہے۔
یہ اینٹی شپ میزائل سسٹم انتہائی درستگی کے ساتھ اپنے ہدف کو نشانہ بنانے میں کامیاب رہا، جس سے سمندری حدود میں دشمن کے اہداف کو دور فاصلے سے مؤثر طریقے سے نشانہ بنانے کی صلاحیت کی تصدیق ہوئی۔
بیان کے مطابق یہ کامیاب تجربہ پاکستان کی دفاعی صلاحیت میں اہم پیشرفت ہے اور مسلح افواج کی مشترکہ و ہم آہنگ اسٹرائیک پاور کو مزید مضبوط بناتا ہے۔
Pakistan Navy has conducted successful live weapon firing of Taimoor Air-Launched Cruise Missile – an indigenously developed Anti-Ship Weapon System – in a powerful demonstration of precision strike capability and operational readiness.@azamshaam @AmirSaeedAbbasi @iamabidmalik pic.twitter.com/38CKWCuJr7
— Media Talk (@mediatalk922) April 21, 2026
پاک بحریہ نے اس عزم کا اعادہ کیا کہ وہ ملکی سمندری مفادات اور خودمختار پانیوں کے تحفظ کے لیے ہر وقت تیار ہے۔
اس کامیابی پر صدر مملکت، وزیر اعظم، چیف آف ڈیفنس فورسز اور سروسز چیفس نے سائنسدانوں اور انجینئرز کو مبارکباد پیش کی ہے۔
