وزیر دفاع خواجہ آصف نے خیبرپختونخوا میں وزارتِ اعلیٰ کے انتخاب سے متعلق سازش کے الزامات کو مسترد کرتے ہوئے کہا ہے کہ حکومت کو کسی بھی قسم کی مداخلت کی ضرورت نہیں۔
مزید پڑھیں:افغانوں کی طویل مہمان نوازی پاکستان کی سب سے بڑی غلطی تھی، وزیر دفاع خواجہ آصف
ان کا کہنا تھا کہ پاکستان تحریک انصاف (پی ٹی آئی) اس وقت اندرونی طور پر شدید تقسیم کا شکار ہے اور پارٹی کے اندرونی اختلافات اس حد تک بڑھ چکے ہیں کہ بیرونی مداخلت کی کوئی گنجائش باقی نہیں رہی۔
ہمیں کوئی سازش کرنے کی ضرورت نہیں ہے،مجھے کوئی بتا دے کہ اس وقت پی ٹی آئی کتنے حصوں میں بٹ چکی ہے، پی ٹی آئی کے اندر انتشار اتنا زیادہ ہو چکا ہے کہ باہر سے کسی کو دخل اندازی کرنے کی ضرورت ہی نہیں ہے، وزیر دفاع خواجہ آصف @AmirSaeedAbbasi @KhawajaMAsif @m_asifmahmood @PTIofficial pic.twitter.com/S09ku6IrGu
— Media Talk (@mediatalk922) April 29, 2026
خواجہ آصف نے کہا کہ خیبرپختونخوا کے وزیراعلیٰ کے انتخاب کو ان کی جانب سے چیلنج نہیں کیا گیا اور نہ ہی اس حوالے سے کسی سازش کا کوئی جواز موجود ہے۔
انہوں نے مزید کہا کہ پی ٹی آئی رہنما خود میڈیا پر ایک دوسرے کے خلاف بیانات دے رہے ہیں، جو پارٹی کے اندرونی انتشار کو ظاہر کرتا ہے۔
وزیر دفاع کے مطابق حکومت کو پی ٹی آئی کے معاملات میں مداخلت کرنے کی کوئی ضرورت نہیں، بلکہ انہیں اپنی غلطیوں سے سیکھنے دینا چاہیے۔ انہوں نے خبردار کیا کہ اگر کسی مرحلے پر مداخلت کا سوچا بھی گیا تو یہ ایک غلط قدم ہوگا۔
مزید پڑھیں: اسرائیل نے ایران پر حملہ کرکے غزہ سے توجہ ہٹانے کی کوشش کی، وزیر دفاع خواجہ آصف
انہوں نے مزید کہا کہ پی ٹی آئی کے اندرونی اختلافات ہی اس کے لیے سب سے بڑا چیلنج بن چکے ہیں۔
