لاہور پولیس نے معروف ٹک ٹاکر سڈ ریپر کے گھر چوری کی واردات میں ملوث گینگ کو گرفتار کرلیا ہے۔
ٹک ٹاکر کی جانب سے جاری کیے گئے ویڈیو پیغام میں بتایا گیا کہ کچھ روز قبل ان کے گھر چوری کی واردات ہوئی تھی جس کی ویڈیو سوشل میڈیا پر وائرل ہونے کے بعد حکام کی توجہ اس جانب مبذول ہوئی اور فوری طور پر ایف آئی آر درج کی گئی۔
View this post on Instagram
انہوں نے مزید کہا کہ وہ ویڈیو مریم نواز تک پہنچی اور انہوں نے فوری ایکشن لیا۔ میں لندن میں تھا اور میری مریم نواز کے پرسنل ایڈوائزر ذیشان ملک سے بات ہوئی تو انہوں نے کہا کہ آپ نے فکر نہیں کرنی ہم چور بھی پکڑیں گے اور آپ کی ریکوری بھی کروائیں گے۔
ان کا کہنا تھا کہ لاہور پولیس، ڈی آئی جی فیصل کامران صاحب اور تمام افسران نے بہت تعاون کیا اور مجرموں کو پکڑ لیا۔
