جناح ہاؤس لاہور پر حملہ کرنے والا ایک اور شرپسند بے نقاب ہو گیا، شر پسند کا نام حاشر خان درانی ہے جو پی ٹی آئی کے انصاف یوتھ ونگ لاہور کا انفارمیشن سیکریٹری نکلا۔ یہ شرپسند جناح ہاؤس پر دورانِ حملہ چیخ چیخ کر انقلاب کے نعرہ لگاتا رہا۔
“لوگو! انقلاب مبارک ہو، ہم فوجیوں سے جان چھڑائیں گے”
“اس ملک کا فیصلہ 4جرنیل نہیں کر سکتے”
انصاف یوتھ ونگ لاہور کے شر پسند انفارمیشن سیکرٹری حاشر خان درانی کا کہنا تھا کہ ’عمران خان کی گرفتاری کے بعد جو کور کمانڈر ہاؤس پر حملہ ہوا، اس کی منصوبہ بندی پہلے سے زمان پارک میں کی گئی تھی۔ پی ٹی آئی کی قیادت نے یہ منصوبہ بنایا۔ اس کی لیڈر شب جس میں ڈاکٹر یاسمین راشد ، میاں محمود الرشید اور شیخ امتیاز شامل تھے، نے پہلے سے منصوبہ بندی کی ہوئی تھی جس کے تحت ہم نے حملہ کیا۔ یہ حملہ اس بیانیہ کی عکاسی تھا جو عمران خان نے فوج کے خلاف ہمارے ذہنوں میں بھرا تھا اور وہ اثر انداز ہوا۔‘
’میں بھی حملہ کے وقت وہاں موجود تھا ، میں نے بھی وڈیو بنائی، لوگوں کو اُکسایا کہ لوگو! انقلاب آگیا اور جھنڈا لہرا کر کہا کہ یہ کور کمانڈر ہاؤس نہیں بلکہ خان ہاؤس ہے اس سب عمل کے دوران فوج کا رویہ بہت positive تھا ہماری فوج نے کسی عام شہری کو تنکے کا بھی نقصان نہیں پہنچایا۔‘