پاکستان کے ابھرتے ہوئے مکسڈ مارشل آرٹس اور کامبیٹ اسپورٹس اسٹار شاہ زیب رند نے بین الاقوامی سطح پر ایک اور شاندار کامیابی حاصل کرلی۔ انہوں نے میامی فلوریڈا میں ہونے والے کراٹے کامبیٹ 61 ایونٹ میں سابق(الٹیمیٹ فائٹنگ چیمپیئن شپ) یو ایف سی فائٹر آندرے ایول کو دوسرے راؤنڈ میں زبردست ناک آؤٹ شکست دی۔
یہ بھی پڑھیں: پاکستانی نژاد کراٹے اسٹار راجہ ریحان کی پولینڈ میں شاندار کامیابی، سلور میڈل اپنے نام کرلیا
غیر متوقع حالات میں رنگ میں اترنے والے پاکستانی چیمپئن نے شاندار اعصاب اور طاقت کا مظاہرہ کرتے ہوئے اپنے امریکی حریف کو ایک درست اور زوردار ہیڈ کِک کے ذریعے گرا دیا۔
Pakistan vs USA 🇵🇰🇺🇸
A major win for Pakistan as Shehzaib Rind knocked out UFC fighter Andre Ewell in the second round in the USA, once again raising Pakistan’s flag high. pic.twitter.com/0v07104Gv4
— Eagle Eye (@zarrar_11PK) May 4, 2026
کوئٹہ سے تعلق رکھنے والے شاہ زیب رند اس فائٹ میں اچانک تبدیلی کے ساتھ شریک ہوئے کیونکہ ان کے اصل حریف پٹریکی ِپٹ بل انجری کی وجہ سے مقابلے سے باہر ہو گئے تھے۔ بعد میں آندرے ایول نے مختصر نوٹس پر یہ فائٹ قبول کی تاہم یہ تبدیلی بھی رند کے لیے کوئی مسئلہ ثابت نہ ہوئی۔
پاکستان کے لیے ایک بڑی جیت: شاہزیب رند نے امریکہ میں یو ایف سی (UFC) فائٹر آندرے ایول کو دوسرے ہی راؤنڈ میں ناک آؤٹ کر کے ایک بار پھر پاکستان کا جھنڈا بلند کر دیا۔#ShahzaibRind #PakistanVsUSA #MMA #Knockout #PakistanZindabad #UFC #AndreEwell #CombatSports#RisingPakistan pic.twitter.com/zCWHiOX58B
— Radio Pakistan (@OfficialRadioPK) May 4, 2026
ابتدائی راؤنڈ سے ہی شاہ زیب نے فائٹ پر مکمل کنٹرول رکھا اور تیز پنچز اور طاقتور ککس کے ذریعے امریکی فائٹر کو مسلسل دفاعی پوزیشن میں رکھا۔
مزید پڑھیے: وفاقی وزیر عطا تارڑ کو کراٹے کمبیٹ فائٹر شاہ زیب رند سے معذرت کیوں طلب کرنا پڑی؟
دوسرے راؤنڈ کے درمیان میں انہوں نے فیصلہ کن وار کیا اور ایک صاف اور طاقتور ہیڈ کِک کے ذریعے ایول کو زمین پر گرا دیا جس کے بعد ریفری نے فوراً فائٹ روک دی۔
Shahzaib Rind 🇵🇰 DESTROYS UFC Vet Andre Ewell 🤯 | Full Fight | KC61 Miami https://t.co/vHfNNTWjJA pic.twitter.com/xHVLJAIFjk
— Shahzaib “KING” Rind (@RindhShahzaib) May 4, 2026
ناک آؤٹ کے بعد شاہ زیب رند نے اسپورٹس مین اسپرٹ کا شاندار مظاہرہ کرتے ہوئے اعلان کیا کہ وہ اپنی انعامی رقم کا کچھ حصہ اپنے حریف آندرے ایول کے ساتھ شیئر کریں گے کیونکہ انہوں نے آخری وقت میں فائٹ قبول کی تھی۔ شاہ زیب کا کہنا تھا کہ اس کھیل میں عزت سب سے اہم ہے۔
مزید پڑھیں: آزاد کشمیر سے تعلق رکھنے والے 9 سالہ کراٹے چیمپیئن نے گولڈ میڈل جیت لیا
پاکستان کے پہلے کراٹے کامبیٹ ورلڈ چیمپیئن کے طور پر شاہ زیب رند اپنی بین الاقوامی پہچان مسلسل مضبوط کر رہے ہیں۔ ان کے جارحانہ انداز اور ناک آؤٹ پاور نے انہیں پاکستان کے نمایاں کامبیٹ اسپورٹس ایتھلیٹس میں شامل کر دیا ہے جو عالمی سطح پر سبز ہلالی پرچم کو بلند کر رہے ہیں۔
