پاکستان کرکٹ بورڈ (پی سی بی) نے آئی سی سی ویمنز ٹی20 ورلڈ کپ 2026 اور آئرلینڈ میں ہونے والی ٹرائی سیریز کے لیے 15 رکنی قومی خواتین ٹیم کا اعلان کر دیا ہے۔ ٹیم کی قیادت فاطمہ ثنا کے سپرد برقرار رکھی گئی ہے۔
اعلان کردہ اسکواڈ میں 5 کھلاڑی پہلی بار ٹی20 ورلڈ کپ میں حصہ لیں گی، جن میں ایمن فاطمہ، نطالیہ پرویز، رمین شمیم، سائرہ جبین اور تسمیہ رباب شامل ہیں۔
مزید پڑھیں: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
یہ ٹیم آئرلینڈ میں 28 مئی سے 4 جون تک ہونے والی ٹرائی سیریز میں بھی حصہ لے گی جس میں میزبان آئرلینڈ اور ویسٹ انڈیز شامل ہوں گے۔
پاکستان اپنی ورلڈ کپ مہم کا آغاز 14 جون کو بھارت کے خلاف برمنگھم میں کرے گا، جبکہ دیگر میچز جنوبی افریقہ، بنگلہ دیش، آسٹریلیا اور نیدرلینڈز کے خلاف کھیلے جائیں گے۔ سیمی فائنلز 30 جون اور 2 جولائی کو جبکہ فائنل 5 جولائی کو لارڈز میں ہوگا۔
Pakistan women’s squad announced for Ireland tri-series and ICC Women’s T20 World Cup 2026
Details here ➡️ https://t.co/2AxX826F7A#BackOurGirls | #IREWvPAKW | #T20WorldCup pic.twitter.com/Nfv3gMK9jR
— PCB Media (@TheRealPCBMedia) May 16, 2026
فاطمہ ثنا مسلسل دوسری بار ٹیم کی قیادت کریں گی اور یہ ان کا تیسرا ٹی20 ورلڈ کپ ہوگا۔ ٹیم میں سینیئر اور نوجوان کھلاڑیوں کا امتزاج شامل ہے۔
مزید پڑھیں: زمبابوے کے خلاف ون ڈے سیریز کے لیے قومی ویمنز اسکواڈ کا اعلان، فاطمہ ثنا کپتان مقرر
کوچنگ اسٹاف میں وہاب ریاض کو مینٹور اور ہیڈ کوچ مقرر کیا گیا ہے، جبکہ دیگر کوچز میں عبدالرزاق، عمید آصف، عبدالماجد اور عمران فرحت شامل ہیں۔
پی سی بی کے مطابق حالیہ زمبابوے کے خلاف سیریز میں 3-0 کی کلین سوئپ فتح نے ٹیم کو ایونٹس کی تیاری میں مدد دی ہے۔
مزید برآں، اسکواڈ میں بطور ریزرو کھلاڑی بھی شامل کیے گئے ہیں تاکہ ضرورت پڑنے پر ٹیم کو مضبوط بنایا جا سکے۔
