پاکستان تحریک انصاف کے سینیئر رہنما سابق وزیراعلیٰ کے پی اور سابق وزیر دفاع پرویز خٹک نے میڈیا پر زیر گردش خبروں کی سختی سے تردید کر دی ہے۔
پرویز خٹک کا کہنا ہے کہ پاکستان تحریک انصاف کا حصّہ ہوں۔ چیئرمین پاکستان تحریک انصاف عمران خان میرے بارے میں سب کچھ جانتے ہیں۔
انہوں نے کہا کہ جہانگیر ترین گروپ میں شمولیت کے حوالے سے تمام خبریں جھوٹ اور منفی پروپیگنڈا ہے۔
واضح رہے کہ میڈیا پر خبر زیر گردش تھی کہ پی ٹی آئی کے دیگر رہنماؤں کی طرح پرویز خٹک بھی جہانگیر ترین کی استحکام پاکستان پارٹی کا حصہ بنے جا رہے ہیں۔
