چین کے جنوب مغربی صوبے گوانگشی میں پیر کی صبح 5.2 شدت کے زلزلے کے نتیجے میں 2 افراد ہلاک جبکہ متعدد زخمی ہو گئے۔ چینی حکام کے مطابق شہر لیوژو میں 7 ہزار سے زائد افراد کو محفوظ مقامات پر منتقل کیا گیا ہے جبکہ امدادی کارروائیاں جاری ہیں۔
مزید پڑھیں: بیجنگ: چین کے صوبے جیلن میں 5.5 شدت کا زلزلہ
چینی سرکاری میڈیا کے مطابق زلزلے کے باعث 13 عمارتیں منہدم ہو گئیں۔ ایک شخص تاحال لاپتا ہے جبکہ 4 زخمیوں کو اسپتال منتقل کیا گیا ہے، تاہم کسی کی حالت تشویشناک نہیں بتائی گئی۔
ریلوے حکام نے ریلوے ٹریک اور بنیادی ڈھانچے کے معائنے کے باعث ٹرانسپورٹ میں ممکنہ خلل کی وارننگ بھی جاری کی ہے۔
مزید پڑھیں:میانمار میں 7.7 شدت کا زلزلہ، بھارت، چین، بنگلہ دیش اور تھائی لینڈ تک جھٹکے محسوس کیے گئے
سرکاری نشریاتی اداروں کے مطابق متاثرہ علاقے میں مواصلاتی نظام، بجلی، پانی، گیس کی فراہمی اور ٹریفک معمول کے مطابق بحال ہے جبکہ حکام صورتحال کی مسلسل نگرانی کر رہے ہیں۔
