ایران نے فیفا ورلڈ کپ 2026 کے لیے اپنی ٹیم کا تربیتی کیمپ امریکی ریاست ایریزونا سے منتقل کر کے میکسیکو کے سرحدی شہر تیجوانا میں قائم کرنے کا فیصلہ کیا ہے۔ غیر ملکی خبررساں ادارے رائٹرز کے مطابق ایرانی فٹبال فیڈریشن کے سربراہ نے کہا ہے کہ اس تبدیلی کی منظوری عالمی فٹبال تنظیم فیفا نے دے دی ہے۔
یہ بھی پڑھیں:فٹبال ورلڈ کپ 2026: سائنسدان 8 برسوں سے کونسی غیر معمولی چیز تیار کر رہے ہیں؟
ایرانی فٹبال فیڈریشن کے صدر مہدی تاج کے مطابق یہ فیصلہ ویزا کے مسائل اور سیکیورٹی سے متعلق خدشات کے پیش نظر کیا گیا ہے، جبکہ کھلاڑیوں اور عملے کی نقل و حرکت کو آسان بنانے کے لیے کیمپ کو میکسیکو منتقل کیا گیا ہے۔ ان کا کہنا تھا کہ ایرانی اسکواڈ ایران ایئر کی پروازوں کے ذریعے براہ راست تیجوانا پہنچ سکے گا۔
رپورٹ کے مطابق فیفا کی جانب سے اس حوالے سے فوری طور پر کوئی ردعمل سامنے نہیں آیا۔
BREAKING NEWS: Iran announces its World Cup base camp has been moved to Mexico from the U.S. pic.twitter.com/cyJl7aN0v6
— General Darius (@Polish_Dariush) May 24, 2026
ایران کی ٹیم گروپ جی میں اپنے ابتدائی میچز لاس اینجلس اور سیئٹل میں کھیلے گی، جہاں وہ نیوزی لینڈ، بیلجیم اور مصر کے خلاف میدان میں اترے گی۔ حکام کے مطابق تیجوانا سے لاس اینجلس تک فضائی سفر تقریباً 55 منٹ کا ہوگا، جس سے ٹیم کو سفری سہولت حاصل رہے گی۔
Iran’s football federation spokesman said Friday the national team’s travel to the US for the World Cup on a dedicated Iran Air flight was “almost resolved and being finalized," despite the airline being under US and EU sanctions over Iran’s military support for Russia’s war in… pic.twitter.com/mozVmcobJW
— Iran International English (@IranIntl_En) May 22, 2026
رائٹرز کے مطابق ایران کو کئی ماہ سے ورلڈ کپ کے دوران سفر اور سیکیورٹی انتظامات کے حوالے سے غیر یقینی صورتحال کا سامنا تھا، جبکہ ایرانی حکام نے بتایا ہے کہ ٹورنامنٹ سے چند ہفتے قبل بھی کھلاڑیوں اور عملے کو امریکی ویزے جاری نہیں ہوئے تھے۔
ورلڈ کپ 11 جون سے 19 جولائی 2026 تک امریکا، کینیڈا اور میکسیکو میں مشترکہ طور پر منعقد ہوگا۔
