پاکستان کرکٹ ٹیم کے کپتان شاہین شاہ آفریدی نے کہا ہے کہ مسلسل کرکٹ کھیلنے سے فاسٹ بولرز کی رفتار اور کارکردگی متاثر ہوتی ہے اس لیے انہیں مناسب آرام اور ریکوری کا وقت دینا انتہائی ضروری ہے۔
یہ بھی پڑھیں: پاک آسٹریلیا ون ڈے سیریز کل سے شروع ہوگی، میچ کی خاص بات کیا ہے؟
راولپنڈی میں پریس کانفرنس کرتے ہوئے شاہین نے فاسٹ بولرز کے ورک لوڈ کے حوالے سے بات کرتے ہوئے کہا کہ مشین بھی مسلسل چلتی رہے تو خراب ہو جاتی ہے اسی طرح فاسٹ بولرز کی باڈی کو بھی آرام کی ضرورت ہوتی ہے تاکہ وہ تازہ دم ہو کر پوری جان لگا سکیں۔
انہوں نے صحافی کے سوال پر مذاقاً کہا کہ وہ ان کے لیے 200 کی رفتار سے بولنگ کرنے کی کوشش کریں گے تاہم اصل ضرورت یہ ہے کہ تمام فاسٹ بولرز اپنی فٹنس اور رفتار برقرار رکھنے کے لیے مناسب آرام حاصل کریں۔
شاہین آفریدی نے کہا کہ ہر کھلاڑی کو اپنے کھیل میں بہتری لانے کی ضرورت ہے اور ہیڈ کوچ مائیک ہیسن بھی کھلاڑیوں سے اس حوالے سے بات کر چکے ہیں۔
مزید پڑھیے: پاکستان کے بھارت کے خلاف میچ کے بائیکاٹ سے متعلق سوال پر آسٹریلوی کپتان نے کیا کہا؟
انہوں نے کہا کہ ٹیم مینجمنٹ کی کوشش ہوتی ہے کہ فاسٹ بولرز کے ورک لوڈ کو متوازن رکھا جائے تاکہ انہیں انجری سے بچایا جا سکے۔
قومی کپتان کا کہنا تھا کہ سلیکٹرز نوجوان کھلاڑیوں کو موقع دینے کی کوشش کر رہے ہیں جبکہ سینیئر کھلاڑیوں کی موجودگی ٹیم کے لیے ریڑھ کی ہڈی کی حیثیت رکھتی ہے۔
شاہین آفریدی نے بابر اعظم کی کارکردگی کو سراہتے ہوئے کہا کہ انہوں نے پی ایس ایل میں عمدہ کھیل پیش کیا اور امید ہے کہ وہ آسٹریلیا کے خلاف بھی اپنی بہترین فارم برقرار رکھیں گے۔
Shaheen Afridi on his bowling speed and comparisons with Nahid Rana. 🗣
“Nahid Rana has only played 7–8 matches so far. When a machine keeps running, over time it also wears down. We are also trying to reload and refresh ourselves. When you get proper rest, you bowl better. All… pic.twitter.com/h15WG5UmLx
— Sheri. (@CallMeSheri1_) May 29, 2026
اس موقعے پر آسٹریلوی کپتان جوش انگلس نے کہا کہ پاکستان کی مہمان نوازی ہمیشہ شاندار رہی ہے اور انہیں یہاں آکر کھیلنا پسند ہے۔
ان کا کہنا تھا کہ پاکستان کے خلاف سیریز دلچسپ اور مسابقتی ہوگی۔
مزید پڑھیں: عمر گل اور شاہین شاہ آفریدی کے درمیان لڑائی کی خبریں، بولنگ کوچ نے خاموشی توڑ دی
پاکستان اور آسٹریلیا کے درمیان پہلا ون ڈے میچ ہفتے کو راولپنڈی میں کھیلا جائے گا جبکہ اس موقعے پر ون ڈے ٹرافی کی رونمائی بھی کی گئی۔ یاد رہے کہ یہ میچ پاکستان کے لیے ایک سنگ میل ہوگا کیون کہ یہ قومی ٹیم کا ہزارواں ایک روزہ انٹرنیشنل میچ ہوگا۔
