امریکی صدر ڈونلڈ ٹرمپ نے امریکا ایران ممکنہ معاہدے کے حوالے سے ایرانی وزیر خارجہ عباس عراقچی کی ٹوئٹ ٹروتھ سوشل پر شیئر کردی۔
ایرانی وزیر خارجہ سید عباس عراقچی نے اپنے ایک بیان میں کہا ہے کہ اسلام آباد مفاہمتی یادداشت کے معاملے پر فریقین پہلے کبھی اتنے قریب نہیں آئے جتنا اس وقت اتفاقِ رائے پایا جاتا ہے۔
انہوں نے میڈیا پر زور دیا کہ وہ اس یادداشت کے مندرجات کے حوالے سے قیاس آرائیوں سے گریز کرے۔
اپنے بیان میں عباس عراقچی کا کہنا تھا کہ ایران کی شفاف پالیسی کے تحت اس مفاہمتی یادداشت کی تفصیلات مناسب وقت پر عوام کے سامنے لائی جائیں گی۔
انہوں نے مزید کہاکہ مذکورہ مفاہمتی یادداشت کی حتمی منظوری کا مرحلہ ابھی باقی ہے۔
دوسری جانب وزیراعظم پاکستان شہباز شریف نے کہا ہے کہ پاکستان کی مسلسل اور بھرپور سفارتی و ثالثی کوششوں کے نتیجے میں ایک اہم امن معاہدہ تکمیل کے قریب پہنچ چکا ہے، تاہم بعض عناصر اس عمل کو سبوتاژ کرنے کے لیے مسلسل گمراہ کن معلومات اور پروپیگنڈا پھیلا رہے ہیں۔
سماجی رابطے کی ویب سائٹ ایکس (سابقہ ٹوئٹر) پر اپنے پیغام میں وزیراعظم نے کہا کہ پاکستان جاری شدید ثالثی کوششوں کے دوران ان تمام غلط معلومات پر مبنی مہمات سے بخوبی آگاہ ہے جو امن معاہدے کو نقصان پہنچانے کے لیے چلائی جا رہی ہیں۔
Amid ongoing intense mediation efforts by Pakistan, we are fully aware of incessant misinformation campaign being waged by those who want to sabotage the peace deal. Setting aside the noise, we can confirm that a final, agreed upon text of the peace deal has been reached and…
— Shehbaz Sharif (@CMShehbaz) June 12, 2026
وزیراعظم نے اپنے پیغام میں کہا کہ ’ شور و غوغا اور افواہوں کو ایک طرف رکھتے ہوئے ہم تصدیق کر سکتے ہیں کہ امن معاہدے کے حتمی اور متفقہ متن پر اتفاق ہو چکا ہے اور پاکستان اب دونوں فریقوں کے ساتھ مل کر اگلے مراحل کو حتمی شکل دینے کے لیے قریبی رابطے میں ہے‘۔ انہوں نے مزید کہا کہ امن آج جتنا قریب ہے، اس سے پہلے کبھی نہیں تھا‘۔
