معروف پاکستانی سوشل میڈیا انفلوئنسر رجب بٹ نے فٹنس انفلوئنسر سعدیہ بلوچ کے ساتھ جم ویڈیوز پر ہونے والی تنقید کے بعد اپنے تعلق کی وضاحت کرتے ہوئے کہا ہے کہ دونوں کے درمیان کسی قسم کا ذاتی تعلق نہیں بلکہ یہ صرف فٹنس سے متعلق ایک پیشہ ورانہ اشتراک (کولیبریشن) تھا۔
رجب بٹ جو حال ہی میں اہلیہ ایمان سے علیحدگی کے بعد ایک بار پھر خبروں میں آئے۔ اس دوران لاہور کے ایک جم میں سعدیہ بلوچ کے ساتھ ان کی ویڈیوز اور تصاویر سامنے آنے کے بعد سوشل میڈیا پر مختلف قیاس آرائیاں کی جانے لگیں۔
View this post on Instagram
اس معاملے پر وضاحت دیتے ہوئے رجب بٹ نے کہا کہ انہوں نے سعدیہ بلوچ کو کراچی سے صرف فٹنس سے متعلق آگاہی کے لیے مدعو کیا تھا کیونکہ وہ ان کی ورزش سے متعلق ویڈیوز پہلے بھی دیکھتے رہے ہیں۔ ان کے مطابق انہیں سوشل میڈیا پر خواتین کی جانب سے فٹنس کے حوالے سے متعدد سوالات موصول ہوتے ہیں اسی لیے یہ اشتراک کیا گیا تاکہ خواتین کو ورزش کے درست طریقے سکھائے جا سکیں۔
View this post on Instagram
رجب بٹ نے مزید کہا کہ وہ اللہ اور اپنے بیٹے کی قسم کھا کر کہتے ہیں کہ اس تعاون سے قبل وہ سعدیہ بلوچ کو ذاتی طور پر نہیں جانتے تھے۔ ان کے بقول سعدیہ بلوچ نے بطور فٹنس انفلوئنسر ان کے ساتھ تصاویر اور ویڈیوز شیئر کیں جو بعد ازاں سوشل میڈیا پر وائرل ہوگئیں۔
انہوں نے اس معاملے کو محض ایک پیشہ ورانہ تعاون قرار دیتے ہوئے سوشل میڈیا اور بعض شوبز صفحات کو تنقید کا نشانہ بنایا اور کہا کہ معمولی معاملات کو غیر ضروری تنازع بنا دیا جاتا ہے۔
