نائب وزیراعظم و وزیر خارجہ سینیٹر محمد اسحاق ڈار اردن کے دارالحکومت عمان پہنچ گئے، جہاں وہ ہاشمی مملکتِ اردن کی میزبانی میں منعقد ہونے والے یروشلم سے متعلق وزارتی اجلاس میں شرکت کریں گے۔
ترجمان دفتر خارجہ کے مطابق عمان پہنچنے پر اردن کی وزارتِ خارجہ و تارکینِ وطن کے انسانی حقوق ڈائریکٹوریٹ کی ڈائریکٹر سجا المجالی، اردن میں پاکستان کے سفیر میجر جنرل (ر) خرم سرفراز خان اور پاکستانی سفارت خانے کے حکام نے نائب وزیراعظم و وزیر خارجہ کا استقبال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 arrived in Amman, Jordan, to participate in the Ministerial Meeting on Jerusalem, convened by the Hashemite Kingdom of Jordan.
Upon arrival, the DPM/FM was received by H.E. Ms. Saja Almajali, Director… pic.twitter.com/K6vxawaGyy
— Ministry of Foreign Affairs – Pakistan (@ForeignOfficePk) August 5, 2026
ترجمان کے مطابق سینیٹر اسحاق ڈار آج مصروف سفارتی سرگرمیوں میں حصہ لیں گے، جن میں یروشلم سے متعلق وزارتی اجلاس میں شرکت، اردن کے فرمانروا شاہ عبداللہ دوم سے ملاقات اور مختلف ممالک کے وزرائے خارجہ سے دوطرفہ ملاقاتیں شامل ہیں۔
یہ بھی پڑھیں:اسحاق ڈار اور ایرانی وزیر خارجہ کے درمیان رابطہ، عباس عراقچی کو دورہ پاکستان کی دعوت
ان ملاقاتوں کے دوران مقبوضہ فلسطینی علاقوں کی موجودہ صورتحال، خطے کی تازہ پیش رفت اور پاکستان کے دوست ممالک کے ساتھ دوطرفہ تعلقات سمیت باہمی دلچسپی کے دیگر امور پر تبادلہ خیال کیا جائے گا۔
