احتساب عدالت نے چیئرمین تحریک انصاف عمران خان اور ان کی اہلیہ بشری بی بی کی القادر ٹرسٹ کیس میں عبوری ضمانت 4 جولائی تک منظور کر لی۔
القادر ٹرسٹ کیس میں چیئرمین تحریک انصاف عمران خان اور ان کی اہلیہ بشری بی بی کی درخواست ضمانت پر سماعت احتساب عدالت اسلام آباد کے جج محمد بشیر نے کی۔
عدالت نے بشری بی بی کی 5 لاکھ کے ضمانتی مچلکوں کے عوض ضمانت منظور کر لی جبکہ ان کے شوہر عمران خان کی ضمانت میں بھی 4 جولائی تک توسیع کر دی۔
واضح رہے کہ نیب نے بشری بی بی کو القادر ٹرسٹ کیس میں بطور ملزمہ طلب کیا تھا، جس پر بشری بی بی کے وکلاء نے احتساب عدالت میں ان کی ضمانت قبل از گرفتاری کے لیے درخواست دائر کی تھی۔
توشہ خانہ جعلسازی مقدمہ، بشری بی بی کی عبوری ضمانت 4 جولائی تک منظور
ڈسٹرکٹ اینڈ سیشن عدالت نے توشہ خانہ جعلسازی کے مقدمہ میں بھی بشری بی بی کی ضمانت 4 جولائی تک منظور کر لی۔
ایڈیشنل سیشن جج طاہر عباس سپرا نے بشری بی بی کی عبوری ضمانت منظور کی۔