جشنِ آزادی میں صرف 2 روز باقی رہ گئے ہیں اور راولپنڈی کے راجا بازار میں یوم آزادی کی تیاریاں عروج پر پہنچ گئی ہیں۔ بازار میں سبز ہلالی پرچموں، جھنڈیوں، بیجز اور دیگر سجاوٹی اشیا کے اسٹال سج گئے ہیں، جہاں شہریوں کی بڑی تعداد خریداری میں مصروف ہے۔ یومِ آزادی کے قریب آتے ہی بازار کی رونقیں بھی بڑھ گئی ہیں اور شہری اپنے گھروں، دکانوں اور گاڑیوں کو قومی پرچم اور دیگر سجاوٹی اشیا سے سجانے کے لیے خریداری کررہے ہیں۔
دکانداروں کے مطابق ہر سال کی طرح اس مرتبہ بھی جشنِ آزادی سے متعلق اشیا کی طلب میں نمایاں اضافہ دیکھنے میں آ رہا ہے۔ راجا بازار کی رونقوں میں سبز اور سفید رنگ نمایاں ہیں، جبکہ بچوں سمیت شہری یوم آزادی کو بھرپور جوش و جذبے کے ساتھ منانے کے لیے تیاریوں میں مصروف ہیں۔ مزید جانیے زنیرہ رفیع کی اس ویڈیو رپورٹ میں۔
