وزیراعظم شہباز شریف نے ترکیہ میں زلزلے سے ہونے والے جان و مالی نقصانات پر شدید رنج و غم کا اظہار کیا ہے۔
غیرملکی میڈیا رپورٹ کے مطابق ترکیہ میں 7.8 شدت کے زلزلے کے باعث 100 سے زائد افراد جاں بحق اور سینکڑوں زخمی ہو گئے ہیں جبکہ ہلاکتوں میں اضافے کا بھی امکان ہے۔
وزیراعظم شہباز شریف اس سانحہ پر افسوس کا اظہار کرتے ہوئے کہا ہے کہ پاکستان آزمائیش کی اس گھڑی میں برادر ملک ترکیہ اور اس کے عوام کے ساتھ ہے۔ انہوں نے مزید کہا کہ ترکیہ نے ہر مشکل میں ہمیشہ پاکستان کا ساتھ دیا ہے لہٰذا پاکستان بھی اپنے دوست ملک کی ہر ممکن مدد کرے گا۔
وزیراعظم نے ترکیہ میں زلزلے سے جاں بحق افراد کی مغفرت اور زخمیوں کی جلد صحت یابی کے لیے بھی دعا کی۔
Deeply saddened by the news of a massive earthquake that struck southeastern region of Türkiye. I send my profound condolences & most sincere sympathies to my brother President @RTErdogan & brotherly people of Türkiye on the loss of precious lives & damage to infrastructure.
— Shehbaz Sharif (@CMShehbaz) February 6, 2023
وزیر اعظم شہباز شریف نے شام میں زلزلے سے ہونے والے جانی و مالی نقصان پر بھی گہرے رنج و غم کا اظہار کیا ہے اور کہا ہے کہ دکھ کی اس گھڑی میں پاکستان کے عوام شام کی حکومت اور عوام کے ساتھ کھڑے ہیں۔
Türkiye'nin güneydoğusunu vuran bu büyük deprem haberi derinden üzdü. Yaşanan can ve mal kayıpları nedeniyle kardeşim Cumhurbaşkanı Erdoğan'a ve kardeş Türkiye halkına en derin başsağlığı dileklerimi iletiyorum. 🇹🇷
— Shehbaz Sharif (@CMShehbaz) February 6, 2023
أتقدم بأحر التعازي، وخالص المواساة لحكومة وشعب سوريا الذين عانوا خسائر بشرية ومادية جسيمة جراء الزلزال الكارثي في وقت مبكر من صباح اليوم.
🇸🇾
— Shehbaz Sharif (@CMShehbaz) February 6, 2023
وزیر اعظم نے کہا کہ قدرتی آفات اور موسمیاتی تبدیلیوں سے تباہی کے بڑھتے واقعات پوری دنیا کے لیے خطرہ کی گھنٹی ہے اور یہ کسی ایک ملک یا خطے تک محدود نہیں بلکہ پوری انسانیت اور کرہ ارض کی بقا کا معاملہ ہے۔