محکمہ موسمیات کی جانب سے 26 اکتوبر 2026 کے لیے ملک بھر کے موسم کی صورتحال کے حوالے سے تازہ ترین رپورٹ جاری کی گئی ہے۔ رپورٹ کے مطابق اگلے 24 گھنٹوں کے دوران ملک کے بیشتر علاقوں میں موسم خشک رہے گا، تاہم شمالی علاقوں اور پہاڑی مقامات پر رات کے اوقات میں سردی کی شدت میں اضافہ متوقع ہے۔
یہ بھی پڑھیے سائبیریائی ہوائیں کب پاکستان پہنچیں گی، موسم سرما کو کتنا طویل بنائیں گی؟
وفاقی دارالحکومت اسلام آباد اور گردونواح سمیت پنجاب کے بیشتر اضلاع میں موسم خشک رہے گا۔ تاہم اسلام آباد، مری، گلیات اور مضافاتی علاقوں میں رات کے وقت موسم سرد اور خنک رہنے کی پیشگوئی کی گئی ہے۔
صوبے کے بیشتر اضلاع میں موسم خشک رہے گا جبکہ پہاڑی علاقوں میں رات کے وقت سردی محسوس کی جائے گی۔ چترال اور اس کے گردونواح میں مطلع جزوی طور پر ابر آلود رہنے کی توقع ہے۔
سندھ کے بیشتر اضلاع میں موسم خشک جبکہ دن کے اوقات میں گرم رہے گا۔ بلوچستان میں بھی موسم عموماً خشک رہے گا، تاہم صوبے کے شمالی اضلاع میں رات کے وقت سردی کی لہر برقرار رہے گی۔
یہ بھی پڑھیے موسم سرما میں فلو، کھانسی اور انفیکشنز سے کیسے بچا جا سکتا ہے؟
گلگت بلتستان اور آزاد کشمیر میں موسم خشک اور رات کے وقت سرد رہے گا۔ تاہم گلگت بلتستان کے چند مقامات پر جزوی طور پر مطلع ابر آلود رہنے کے ساتھ ساتھ تیز ہواؤں اور گرج چمک کے ساتھ بارش کا بھی امکان ظاہر کیا گیا ہے۔
