چودھری نثار علی خان اور حنیف عباسی نے بیٹے میدان میں اتار دیے

راولپنڈی کے ضمنی انتخابات کا معرکہ ، چودھری نثار علی خان اور حنیف عباسی نے اپنے بیٹوں کو میدان میں اتار دیا۔

ادھر این اے 62 سے شیخ رشید اور شیخ راشد شفیق این اے 60 کیلئے کاغذات نامزدگی جمع کروا دیئے۔

اسلام آباد میں این اے 57 مری سے تحریک انصاف کے رہنما صداقت علی عباسی جبکہ حلقہ این اے 54 اسلا آباد سے اسد عمر نے کاغذاتِ نامزدگی جمع کرائے ۔

شیخ راشد شفیق کارکنوں کے ہمراہ کاغذات نامزدگی جمع کرانے پہنچے تو کارکنان نے کچہری میں شدید نعرے بازی کی ۔

چودھری نثار علی خان نے اپنے فرزند تیمورعلی خان کومیدان میں اتار دیا۔تیمور حلقہ این اے 59 راولپنڈی کے لیے آزاد حثیت سے کاغذات نامزدگی جمع کروائے ۔

ن لیگی رہنما حنیف عباسی کے فرزند حماس حنیف عباسی بھی کارکنوں کے ہمراہ کاغذات نامزدگی جمع کرانے پہنچے، حماس نے این اے 60 اور این اے 62 سے کاغذات نامزدگی جمع کروائے ہیں ۔