انڈین وزیر کی بارش کے پانی میں چہل قدمی: ’وہاب ریاض کا بھارتی ورژن‘

گزشتہ دنوں پاکستانی ٹائم لائنز پر پنجاب کے نگران وزیر کھیل وہاب ریاض لاہور کے بارش زدہ علاقوں کا دورہ کرنے پر خوب چرچا میں رہے جہاں صارفین نے ان کو سڑک پر گزرتے لوگوں پر پانی اچھالنے اور بارش کے پانی میں لمبے جوتوں کے ساتھ چہل قدمی کرنے پر شدید تنقید کا نشانہ بنایا تھا جس کے بعد وہاب ریاض نے ٹویٹ کرتے ہوئے معافی مانگی تھی۔

ایسی ہی ایک ویڈیو ایک بار پھر سماجی رابطوں کی ویب سائٹس پر وائرل ہے لیکن اس بار ویڈیو میں وہاب ریاض نہیں بلکہ پڑوسی ملک ہندوستان کی وزیر برائے پی ڈبلیو ڈی آتشی ہیں۔ ویڈیو میں دیکھا جا سکتا ہے کہ وہ بارش زدہ علاقوں کا معائنہ کر رہی ہیں اور وہاب ریاض کی طرح پانی میں چہل قدمی کرتے ہوئے ٹریفک کو رواں دواں رکھنے کی کوشش کر رہی ہیں۔

بھارتی نیوز ویب سائٹ اے این آئی نے ویڈیو ٹویٹ کرتے ہوئے لکھا پی ڈبلیو ڈی (پبلک ورکس ڈیپارٹمنٹ) کے وزیر آتشی نے آئی ٹی او میں بارش زدہ علاقوں کا معائنہ کیا۔

#WATCH | Delhi: PWD (Public Works Department) Minister Atishi inspects waterlogged areas in ITO pic.twitter.com/UuXmgSIhuW

— ANI (@ANI) July 9, 2023

ویڈیو سوشل میڈیا پر وائرل ہوئی تو صارفین نے بھارتی وزیر کو خوب آڑے ہاتھوں لیا، کسی نے تنقید کی تو کوئی طنز ومزاح کرتا نظر آیا وہی کچھ صارفین نے یہ الزام لگایا کہ انہوں نے پاکستان کے نگران وزیر کھیل وہاب ریاض کا آئیڈیا چرا لیا ہے ، اسی حوالے سے صارف شیخ نے تبصرہ کرتے ہوئے لکھا پاکستانی گانے پسوڑی کو چرانا کافی نہیں تھا

Copying Pasoori wasn’t enough? https://t.co/rLlOXRyodW

— Shayk🪁🌳🚉🚴🏽🏙🏎 (@shaykshack) July 9, 2023

گفتگو مزید آگے بڑھی تو کسی نے بھارتی وزیر کو انڈیا کا وہاب ریاض قرار دیا تو کسی نے یہ تبصرہ کیا کہ انڈیا ہمیشہ پاکستان کو ہی کاپی کرتا ہے۔ ایک صارف نے تبصرہ کرتے ہوئے لکھا کیا فوٹو شوٹ ہے،یہ کیا ثابت کرنے کی کوشش کر رہی ہیں؟ یہ سب ووٹرز کو بیوقوف بنانے کے لیے ہے۔