دنیا بھر میں موٹر سائیکل حادثات میں جانی نقصان کی ایک بڑی وجہ ہیلمٹ کا استعمال نا کرنا بھی ہے، اسی لیے لاہور میں ہیلمٹ انفورسمنٹ مہم کا آغاز کیا گیا۔
ڈپٹی کمشنر لاہور نے ہیلمٹ نہ پہننے والے موٹر سائیکل سواروں کو پیٹرول دینے پر پابندی عائد کی تھی اور کہا تھا کہ موٹرسائیکل پر ہیلمٹ استعمال نہ کرنے سے حادثات میں قیمتی جانیں
ضائع ہوتی ہیں، انسانی جانوں کا تحفظ یقینی بنانے کےلیے یہ پابندی لگائی گئی ہے، اس پابندی پر عملدرآمد یقینی بنانے کےلیے بھرپور ایکشن لیا جائے گا۔
لیکن لاہور کے شہری نے ہیلمٹ کے استعمال کی بجائے چالان سے بچنے کا نیا طریقہ تلاش کر لیا، اور ٹوکری سر پر سجائے ایک انوکھا ہیلمٹ تیار کیا لیکن یہ ہیلمٹ شہری کے کسی کام نہ آیا اور ٹریفک وارڈن نے شہری کو 200 روپے جرمانہ کر دیا۔
سماجی رابطوں کی سائیٹ ٹوئٹر پر انوکھا ہیلمٹ سر پر سجائے شہری کی تصویر وائرل ہو گئی۔ جس پر صارفین نے دلچسپ تبصرے کیے۔
علی شاہ نامی صارف نے لکھا کہ لاہور میں ہیلمٹ پہناؤ مہم کے نتائج سامنے آنا شروع ہو گئے ہیں، ہیلمٹ کی بجائے ٹوکری پہن کر جانے والا شہری پکڑا گیا۔
لاہور میں ہیلمٹ پہناو مہم کےنتائج سامنےآنا شروع ہوگئے۔۔۔لبرٹی چوک میں سر پر ہیلمٹ کی بجائے ٹوکری پہن کرجانے والاشہری پکڑا گیا۔۔۔ pic.twitter.com/gqezCUMBMs
— Ali Sahi (@alisahijournlst) July 11, 2023
صحافی اجمل جامی نے ٹوئٹ کرتے ہوئے کہا کہ ساری باتیں ایک طرف لیکن‘کریٹیوئٹی کی داد تو دیجیے پلیز‘۔
کریٹیوئٹی کی داد تو دیجیے پلیز۔۔! https://t.co/ghv4wtqofZ
— Ajmal Jami (@ajmaljami) July 11, 2023
ایک صارف نے مزاحیہ انداز میں کمنٹ کرتے ہوئے لکھا کہ یہ ہیلمٹ گھر کے اندر محفوظ سمجھا جا سکتا ہے لیکن سڑک پر سفر کرتے ہوئے اس کا استعمال محفوظ نہیں ہے۔
ایہہ ہیلمٹ گھر دے اندر دی حد تک محفوظ سمجھیا جا سکدا۔ روڈ تے سفر کرن لئی نئیں۔
— ثوبان انجم گجر (@SobanAnjum4) July 11, 2023
جہاں صارفین نے اس تصویر اور ٹوکری نما ہیلمٹ پر دلچسپ تبصرے کیے وہیں بعض صارفین حکومت پر تنقید کرتے ہوئے بھی نظرآئے، ولید نامی صارف نے تنقید کرتے ہوئے لکھا کہ ہر نئی آںے والی حکومت ہیلمٹ کے استعمال نہ کرنے پر ایسے ایکشن لیتی ہے جیسے ایک ہیلمٹ پہننے سے ملک کے سارے مسائل حل ہو جائیں گے۔
Helmet par aise pabandi karwati hae har hukumat jese ek helmet pehnne se mulk se sare masle hall hojainge.
— waleed adnan (@Waleedadnan93) July 11, 2023
واضح رہے چند روز قبل موٹر سائیکل سواروں کو ہیلمٹ کا استعمال کرنے کا پیغام دینے کے لیے لاہور پولیس نے کرکٹ میچز کی ویڈیو بھی شیئر کی تھی جس میں دکھایا گیا تھا کہ کیسے باؤلر کی طرف سے گیند کرائے جانے پر بال بلے باز کے ہیلمٹ پرلگتی ہے جس سے اس کا سر محفوظ رہتا ہے۔
