اینٹی نارکوٹکس فورس (اے این ایف) نے منشیات فروشوں کے خلاف 4 کارروائیوں کے دوران 24 کلو سے زائد منشیات برآمد کرکے 5 ملزمان کو گرفتار کر لیا ہے۔
ترجمان اے این ایف کے مطابق ایم 1 موٹر وے ٹول پلازہ اسلام آباد پر کارروائی کی گئی جہاں پبلک ٹرانسپورٹ میں سوار بھکر اور میانوالی کے رہائشی 2 ملزمان کے قبضے سے 5 کلو چرس برآمد کی گئی۔
کمالپور انٹرچینج فیصل آباد پر پبلک ٹرانسپورٹ میں سوار مردان کے رہائشی ملزم کے قبضے سے 3 کلو 600 گرام چرس برآمد کی گئی۔
فیصل گارڈن فیصل آباد کے قریب موٹر سائیکل سے 12کلو چرس اور 300 گرام آئس برآمد کی گئی۔ فیصل آباد کا رہائشی مُلزم گرفتار کر لیا گیا ہے۔
جھامبرہ پل میانوالی کے قریب میانوالی کے رہائشی موٹر سائیکل سوار کے قبضے سے 3 کلو 300گرام چرس برآمد کی گئی۔ تمام ملزمان کے خلاف انسدادِ منشیات ایکٹ کے تحت مقدمات درج کرکے مذید تحقیقات شروع کر دی گئی ہیں۔
