پاکستان کرکٹ بورڈ کی مینجمنٹ کمیٹی کے چیئرمین ذکا اشرف نے سعودی عرب کرکٹ فیڈریشن کے سی ای او طارق ساگا کو سعودی عرب میں کرکٹ کی بہتری اور مہارت کو فروغ دینے میں مدد کی یقین دہانی کرائی ہے۔
پاکستان کرکٹ بورڈ کی مینجمنٹ کمیٹی کے چئیرمین ذکا اشرف نے سعودی عرب کرکٹ فیڈریشن کے سی ای او طارق ساگا سے ملاقات میں کرکٹ کے امور پر بات چیت کی اور سعودی عرب میں کرکٹ کی ترقی پر تبادلہ خیال کیا۔
ملاقات میں سعودی کرکٹ کی مہارت میں بہتری لانے اور سعودی کرکٹرز کی تربیت کے ضمن میں تعاون پر بھی تبادلہ خیال کیا گیا۔
چیئرمین ذکا اشرف کا کہنا تھا کہ پاکستان سعودی عرب میں کرکٹ کی بہتری اور مہارت کو فروغ دینے میں مدد کرے گا۔ پاکستان اور سعودی عرب کے درمیان طویل برادرانہ تعلقات ہیں۔ سعودی عرب کرکٹ کی بہتری کے لیے ہر تعاون فراہم کرنے کے لیے تیار ہیں۔
