بحیرہ عرب سے مون سون ہوائیں 18 جولائی کی رات کو ملک کے بالائی اور وسطی علاقوں میں داخل ہوں گی جو 19 جولائی کو شدت اختیار کر لیں گی۔ جس کے باعث ملک کے بیشتر علاقوں میں شدید بارشیں متوقع ہیں۔
محکمہ موسمیات نے رواں ہفتے کے دوران مزید مون سون بارشوں کی پیشگوئی کرتے ہوئے بتایا ہے کہ 18 جولائی کی رات سے 23 جولائی کے دوران کشمیر میں وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور جبکہ گلگت بلتستان میں دیامیر، استور، غذر، اسکردو، ہنزہ، گلگت، گھانچے اور شگر میں موسلادھار بارش ہونے کا قوی امکان ہے۔
مری، گلیات، اسلام آباد، راولپنڈی، اٹک، چکوال، جہلم، منڈی بہاؤالدین، سیالکوٹ، نارووال، لاہور، گوجرانوالہ، گجرات، قصور، میانوالی، سرگودھا، فیصل آباد، ٹوبہ ٹیک سنگھ، جھنگ، ساہیوال، بہاولنگر، اوکاڑہ، چترال، دیر، سوات، شانگلہ، بونیر، مانسہرہ، کوہستان، ایبٹ آباد، ہری پور، پشاور، مردان، صوابی، نوشہرہ، کرم، لکی مروت، کوہاٹ، ڈی آئی خان، بنوں، کرک اور وزیرستان میں تیز ہوائیں، آندھی اور گرج چمک کے ساتھ وقفے وقفے سے ہلکی بارش جبکہ موسلادھار بارش کا بھی امکان ہے۔
محمکہ موسمیات کی جانب سے جاری کی گئی تصویر جس میں مون سون کے نئے سسٹم کو پاکستان کی جانب بڑھتے دکھایا گیا ہے
19 جولائی کی رات سے 21 جولائی کے دوران بارکھان، لورالائی، قلات، خضدار، ژوب، لسبیلہ، آواران، موسیٰ خیل، ڈی جی خان، راجن پور، ملتان، بھکر، لیہ، کوٹ ادو، بہاولپور، رحیم یار خان، سکھر، لاڑکانہ اور جیکب آباد میں تیز ہواؤں، آندھی اور گرج چمک کے ساتھ وقفے وقفے سے بارش کا امکان ہے۔
19 جولائی کی شام یا رات سے 23 جولائی تک دوران تھرپارکر، عمر کوٹ، میرپورخاص، سکھر، لاڑکانہ، جیکب آباد، دادو میں تیز ہواؤں، آندھی اور گرج چمک کے ساتھ بارش جبکہ موسلادھار بارش کا بھی امکان ہے۔ 20 جولائی سے 22 جولائی کے دوران شہید بینظیر آباد، حیدرآباد، سانگھڑ، بدین، ٹھٹھہ اور کراچی میں تیز ہواؤں، آندھی اور گرج چمک کے ساتھ وقفے وقفے سے بوندا باری جبکہ موسلا دھار بارش کا بھی امکان ہے۔
موسلادھار بارشوں کے ممکنہ اثرات
18 جولائی کی رات سے 22 جولائی کے دوران اسلام آباد، راولپنڈی، پشاور، گوجرانوالہ اور لاہور میں موسلادھار بارش کے باعث نشیبی علاقے زیر آب آنے کا خدشہ ہے۔ جبکہ مری، گلیات، کشمیر، گلگت بلتستان اور خیبرپختونخوا کے پہاڑی علاقوں میں لینڈ سلائیڈنگ کا بھی خطرہ ہے۔ کسان حضرات موسمیاتی پیشگوئی کو مدنظر رکھتے ہوئے اپنے معاملات ترتیب دیں۔
سیاحوں کو محتاط رہنے کی ہدایت
سیاحوں کو بارشوں کے دوران کسی بھی ناخوشگوار صورتحال سے بچنے کے لیے محتاط رہنے کی ہدایت کی گئی ہے۔ آندھی، جھکڑ، گرج چمک اور شدید بارشوں کے باعث کمزور انفراسٹرکچر (بجلی کے کھمبے، بل بورڈز اور سولر پینلز وغیرہ کو نقصان پہنچ سکتا ہے۔ اس دوران عوام کو محفوظ مقامات پر رہنے کی ہدایت کی گئی ہے۔ مون سون کے اس نئے سپیل کے دوران تمام متعلقہ اداروں کو الرٹ رہنے کی ہدایت کی گئی ہے۔
گذشتہ 24 گھنٹے کا موسم
گذشتہ 24 گھنٹے میں ملک کے بیشتر علاقوں میں موسم گرم اور مرطوب رہا تاہم بالائی خیبر پختونخوا، بالائی پنجاب، کشمیر، گلگت بلتستان اور بارکھان میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش مالم جبہ 15 ملی میٹر، دیر اپر اور دروش 03 میرخانی میں 02، بارکھان07، چکوال 05، نارووال 02، گڑھی دوپٹہ 04، گوپس 02، بگروٹ میں 01 ملی میٹر بارش ریکارڈ کی گئی۔ نوکنڈی میں 46 اور سبی میں 43 ڈگری سینٹی گریڈ درجہ حرارت ریکارڈ کیا گیا۔
