وفاقی حکومت نے پیٹرولیم مصنوعات کی قیمتوں میں اضافے کا اعلان کردیا۔
وزارت خزانہ سے جاری نوٹیفکیشن کے مطابق پیٹرول کی قیمت میں 7 روپے 45 پیسے کا اضافہ کیا گیا ہے، جبکہ ڈیزل کی قیمت 9 روپے 56 پیسے بڑھائی گئی ہے۔
New Petroleum Prices from 1st July, 2024. pic.twitter.com/bKsOk14iEF
— Ministry of Finance, Government of Pakistan (@Financegovpk) June 30, 2024
پیٹرولیم مصنوعات کی قیمتوں میں اضافے کے بعد اب پیٹرول 265 روپے 61 پیسے جبکہ ڈیزل 277 روپے 45 پیسے میں دستیاب ہوگا۔
میڈیا رپورٹس کے مطابق لائٹ ڈیزل 9 روپے 88 پیسے جبکہ مٹی کا تیل 10 روپے 5 پیسے مہنگا کیا گیا ہے۔
وزارت خزانہ کے مطابق پیٹرولیم مصنوعات کی نئی قیمتوں کا اطلاق رات 12 بجے سے ہوگا۔
واضح رہے کہ اس سے قبل 15 جون کو وفاقی حکومت نے پیٹرول کی قیمت میں 10 روپے 20 پیسے جبکہ ڈیزل کی قیمت میں 2 روپے 33 پیسے فی لیٹر کمی کی تھی۔
