سعودی عرب کی مشہور کمپنی واق واق نے پاکستان میں آئی ٹی کے شعبے میں سرمایہ کاری کرنے میں دلچسپی ظاہر کی ہے۔ ادھر جاپانی بزنس ویمن ایساشیکا عائشہ نے کہا کہ جاپانی کمپنیوں کی سرمایہ کاری کو ممکن بنانے کے لیے اس قسم کے منصوبے بے حد مدد گار ہوں گے۔
گزشتہ روز اسلام آباد کے نجی ہوٹل میں پاک فوج کے تعاون سے آئی ٹی سیمینار منعقد کیا گیا۔ منصوبہ کے تحت آئی ٹی برآمدات کو بڑھانے اور جدید ٹیکنالوجی کے فروغ کے لیے کام کیا جائے گا۔ بیرونی سفارت کاروں اور آئی ٹی شعبے سے تعلق رکھنے والی کاروباری شخصیات بھی پاک فوج کے تعاون سے حکومتی اقدامات کی تعریف کی۔
![](https://wenews.pk/wp-content/uploads/2023/07/it1.png)
سعودی عرب کی مشہور کمپنی واق واق کے سی ای او سمیر جنید نے پاکستانی یوتھ کی آئی ٹی سیکٹر میں قابلیت کو سراہا، انکا کہنا تھا کہ آئی ٹی سیکٹر میں پاکستانیوں کا بہت تجربہ ہے، ہم نے پاکستان میں بہت ذہین اور قابل لوگ دیکھے ہیں۔ پاکستان میں ٹیک پروجیکٹس میں بہت ریسرچ ہو رہی ہے۔
جاپانی بزنس میں ایساشیکا عائشہ نے کہا کہ جاپانی کمپنیوں کی سرمایہ کاری کو ممکن بنانے کے لیے اس قسم کے منصوبے بے حد مدد گار ہوں گے۔
![](https://wenews.pk/wp-content/uploads/2023/07/it2.png)
سی ای او جیز عامر ابراہیم کا کہنا تھا کہ ایس آئی ایف سی کے زیر اہتمام حالیہ منصوبہ آئی ٹی سیکٹر کی ترقی کا منفرد منصوبہ ہے، پاکستان میں آئی ٹی اور ٹیلی کام شعبوں سے کمایا جانے والا سرمایہ ملکی معیشت کو مستحکم کرے گا۔