صوبہ بلوچستان حکومت کی ترجمان فرح عظیم شاہ نے سوئیڈن میں ایک مرتبہ پھر قرآن پاک کی بے حرمتی کے جرم کی شدید الفاظ میں مذمت کی ہے۔
ہفتہ کے روز کوئٹہ میں پریس کانفرنس سے خطاب کرتے ہوئے ترجمان بلوچستان حکومت فرح عظیم شاہ نے کہا کہ وزیر اعلیٰ بلوچستان اسلام کامثبت چہرہ اجاگر کرنے کے لیے مہم شروع کر رہے ہیں۔ہم قرآن کریم کی بار بار بے حرمتی کے سویڈن حکومت کے اقدامات کی مذمت کرتے ہیں۔
انہوں نے کہا کہ معیشت بہتر ہوگی تو ملک آگئے بڑھے گا۔ بلوچستان میں تجارت کے لیے ساز گار ماحول بنایا ہے اس کے لیے وزیر اعلیٰ بلوچستان نے ’تجارت چاہیے خیرات نہیں’ کا نظریہ دیا۔
فرح عظیم کا کہنا تھا کہ کینیڈین کمرشل کمپنی بلوچستان میں ہزار میگا واٹ کا سولر پروجیکٹ شروع کرنے جارہی ہے۔ منصوبے میں ایک ملین ڈالر لاگت آے گی۔ بلوچستان سرمایہ کاری بورڈ اس سلسلے میں اپنی بھرپور معاونت فراہم کرے گی۔
انہوں نے مزید کہا کہ حب میں بھی سولر پروجیکٹ کا آغاز کیا جارہا ہے، وولر منصوبہ رواں ماہ کے آخر تک طے پا جائے گا۔ بلوچستان میں سولر پینلز بھی بنائے جائیں گے۔ انہوں نے کا کہ عوام کی جانب سے گرین بس سروس کو سراہا جا رہا ہے۔