شمالی وزیرستان میں پاک فوج کے توسط سے جاری چیمپینز ٹرافی کے مقابلے اختتام پذیر ہوگئے ہیں۔ عسکری، سول انتظامیہ، علاقے کے عمائدین، جوانوں اور بچوں نے مقابلوں میں بھرپور شرکت کی۔ اعلیٰ کارکردگی دکھانے والے کھلاڑیوں کو مختلف انعامات اور تحائف سے بھی نوازا گیا۔
پاک فوج کے توسط سے جاری شمالی وزیرستان میں چیمپینز ٹرافی کے مقابلے اختتام پذیر ہوگئے ہیں۔ چیمپئنز ٹرافی کو دیکھنے کے لیے بڑی تعداد میں عوام نے یونس خان اسٹیڈیم کا رخ کیا۔ طلباء نے فٹ بال، والی بال، رسی کشی اور تقاریر جبکہ خواتین اور بچیوں نے ڈرائینگ اور سکیچنگ میں اپنے اپنے فن کے جوہر دکھائے۔
اختتامی تقریب میں بڑی تعداد میں عسکری، سول انتظامیہ، علاقے کے عمائدین، جوانوں اور بچوں نے شرکت کی۔ تقریب میں رسہ کشی، جمناسٹک، میوزک بینڈ کی پرفارمنس اور خٹک ڈانس نے حاضرین کو خوب محظوظ کیا۔
اہل علاقہ نے پاک فوج کی امن کے لیے قربانیوں اور کھیلوں کے فروغ کے اقدامات کو خوب سراہا۔ اعلیٰ کارکردگی دکھانے والے کھلاڑیوں کو مختلف انعامات اور تحائف سے بھی نوازا گیا۔
