ایف آئی اے امیگریشن نے کراچی سے آذربائیجان جانے والے 6 مسافروں کو آف لوڈ کردیا۔ ان مسافروں پر الزام ہے کہ وہ غیرقانونی طور پر آذربائیجان سے یورپ جانے کا ارداہ رکھتے تھے۔
کراچی ایئرپورٹ پر جہاز سے آف لوڈ ہونے والے مسافروں کے نام بادشاہ نزیر، محمد عبداللہ، عبدالظہیر، محمد کبیریا، کلیم اللہ اور عبدالرب خان ہیں اور وہ وزٹ ویزے پر آذربائیجان جا رہے تھے۔
دوران تلاشی مسافروں کے سامان سے شینگن کے ویزے کی فوٹوکاپیاں اور موبائل فونز سے یورپ کے ٹکٹس بھی برآمد کر لیے گئے۔
ابتدائی تفتیش کے مطابق ملزمان کو آذربائیجان پہنچ کر ایجنٹ سے ویزے حاصل کرنے تھے اور پھر یورپ میں داخل ہونے کی کوشش کرنی تھی۔
ویزوں کی مزید جانچ پڑتال اور قانونی کارروائی کے لیے ملزمان کو اینٹی ہیومن ٹریفیکنگ سرکل کراچی منتقل کر دیا گیا۔
