پاکستان کرکٹ ٹیم کے فاسٹ بولر شاہین شاہ آفریدی نے حال ہی میں ایک فیشن ویب پورٹل کو انٹرویو دیا جس میں انہوں نے کرکٹ سے ہٹ کر سوالات کے جواب دیے ۔ انٹرویو کے نشر ہونے کے کچھ دیر بعد ہی سماجی رابطوں کی ویب سائٹس پر مختلف ویڈیو کلپس وائرل ہو گئیں اور دیکھتے ہی دیکھتے ٹرینڈ کرنے لگیں۔
ایسی ہی ایک ویڈیو کلپ سماجی رابطوں کی ویب سائٹس پر خوب چرچا میں ہے جس میں خاتون میزبان شاہین شاہ آفریدی سے سوال کرتی ہیں کہ اگر آپ اپنی زندگی ایک دن کے لیے کسی کے ساتھ سوئچ کرنا چاہیں تو کس کے ساتھ کریں گے؟ جس کے جواب میں شاہین شاہ آفریدی نے کہا کہ وہ عمران خان کے ساتھ سوئچ کرنا چاہیں گے۔ کرکٹ پر نظر رکھنے والے صارف فرید خان نے ویڈیو کلپ شئیر کی تو صارفین نے تبصروں کا ایک انبار لگا دیا۔
Shaheen Afridi says he would like to switch his life with former Pakistan captain and World Cup winner Imran Khan for a day 🇵🇰🦅pic.twitter.com/MVFSOjRptb
— Farid Khan (@_FaridKhan) July 24, 2023
ایک صارف علی احمد نے شاہین آفریدی کو ان کے سسر اور سابق کپتان شاہد آفریدی کا حوالہ دیتے ہوئے لکھا کہ شاہین ! آپ سے کم از کم یہ امید نہیں تھی، لالا سے سیکھو
Yaar shaheen mujhe apsa ye umeed nai thi kamazkam 😐lala sa tu sekh lo.
— Ali Ahmed (@AliAhmed0776) July 25, 2023
سابق وزیر اعظم عمران خان کی ممکنہ گرفتاری کا حوالہ دیتے ہوئے ایک صارف نے شاہین آفریدی سے سوال کیا کہ وہ عمران خان کے ساتھ زندگی کیوں سوئچ کرنا چاہتے ہیں؟ جیل جانے کے لیے؟
Q jail jane k liye?
— Mayuresh (@mayurains) July 24, 2023
گفتگو مزید آگے بڑھی توشاہین آفریدی کے مداحوں کا کہنا تھا کہ بے شک وہ کسی بھی شخص کے ساتھ اپنی زندگی تبدیل کرنا چاہیں کر سکتے ہیں، اسی حوالے سے ایک صارف نے تبصرہ کرتے ہوئے لکھا آپ کو 7خون معاف ہیں
آپکو سات خون معاف ہیں https://t.co/mm9edXfM41
— سفیان داوڑ (@khandawar88) July 24, 2023
جہاں مداحوں نے شاہین آفریدی کے انٹرویو کو خوب سراہا وہاں بعض صارفین ایسے بھی تھے جنہوں نے ان کو تنقید کا نشانہ بھی بنایا جس کے جواب میں شاہین کے مداحوں کا کہنا تھا کہ ہر چیز کو سیاسی رنگ نہیں دینا چاہیے۔
