آئرلینڈ کی نومسلم عالمی شہرت یافتہ گلوکارہ شہادہ صداقت (سینیڈ او کونر) 56 برس کی عمر میں انتقال کر گئیں۔
آئر لینڈ کے قومی نشریاتی ادارے (آر ٹی ای) نے اپنی رپورٹ میں بتایا کہ عالمی شہرت یافتہ گانا ‘نتھنگ کمپیئرز 2 یو’ کی صورت اپنی گلو کاری کا جادو بکھیرنے والی نومسلم گلو کارہ سینیڈ او کونر انتقال کر گئیں ہیں، ان کی عمر 56 برس تھی۔
گلو کارہ سینیڈ او کونر نے 90 کی دہائی کے میں موسیقی کا آغاز کیا جب انہوں نے پاپ میوزک پرنس کے لیے پہلی بار کیمرے کے سامنے آ کر گانا گایا، اس گانے کو اب تک یوٹیوب پر تقریباً 400 ملین بار دیکھا جا چکا ہے۔
ان کی گلوکاری کو دنیا بھر میں پسند کیا جاتا تھا، آئرلینڈ کے وزیر اعظم لیو وراڈکر نے بھی ٹویٹر پر ان کی وفات پر تعزیت کا اظہار کیا ہے۔
Really sorry to hear of the passing of Sinéad O’Connor.
Her music was loved around the world and her talent was unmatched and beyond compare.
Condolences to her family, her friends and all who loved her music.
Ar dheis Dé go Raibh a hAnam. https://t.co/JVHxz7Kv2Z
— Leo Varadkar (@LeoVaradkar) July 26, 2023
گلوکارہ سینیڈ او کونر کا کیتھولک چرچ کے خلاف مؤقف
سینیڈ او کونر کیتھولک چرچ کے خلاف کھلم کھلا سخت باتیں کرتی تھیں۔ انہوں نے اکتوبر 1992 میں ٹیلی ویژن شو “سیٹر ڈے نائٹ لائیو” میں پوپ جان پال II کی تصویر پھاڑ دی تھی ، وہ چرچ میں پادریوں کی بچوں کے ساتھ بدفعلی کو چھپانے میں چرچ کے کردار کی تحقیقات کر مطالبہ کرتی رہی ہیں۔
2010 میں جب پوپ بینیڈکٹ XVI نے آئرلینڈ سے کئی دہائیوں کے بدسلوکی کا کفارہ ادا کرنے کے لیے معافی مانگی تو گلوکارہ سینیڈ او کونر ایک بار پھر میدان میں آئیں اور پوپ کی معافی مانگنے کو ناکافی قرار دیتے ہوئے مطالبہ کیا کہ کیتھولک چرچ ماس کا بائیکاٹ کریں۔
سینیڈ او کونر نے 2018 میں اسلام قبول کر لیا
گلوکارہ سینیڈ او کونر نے 2018 میں اسلام قبول کیا اور اپنا نام بدل کر شہادہ صداقت رکھ لیا۔
ستمبر 2019 میں RTE کے پروگرام میں گفتگو کرتے ہوئے انہوں نے کہا ’میں نے قرآن کا دوسری سورہ پڑھی اور مجھے احساس ہوا کہ اب میں اپنے اصل مقام پر آچکی ہوں اور مجھے لگا کہ میں نے اب تک کی ساری زندگی ایک مسلمان کی حیثیت ہی سے گزاری۔‘
’آپ اصل میں مسلمان ہوئے بغیر بھی مسلمان ہو سکتے ہیں کیونکہ یہ ایک مائینڈ سیٹ ہے۔‘
یاد رہے کہ گلوکارہ سینیڈ او کونر شادی شدہ تھیں، ان کے لواحقین میں 3بیٹے اور ایک بیٹی شامل ہے۔